Rondeau 120 : Treschiers sires, mille foys vous mercy (DCLXXXIII)
Autre Rondel
Treschiers sires, mille foys vous mercy
De vostre honnour et de vostre escripture.
Bonne est l’amour honorable qui dure.
Et quant je voy que vous m’améz ainsy,
5 Amer vous doy, ne vous vueil estre dure.
Treschiers sires, [mille foys vous mercy
De vostre honneur et de vostre escripture.]
Juge feray d’entre vous et de my
Le chevalier ou estoit la closture
10 De vos lettres ou j’ay fait l’ouverture.
Treschiers [sires, mille foys vous mercy
De vostre honnour et de vostre escripture.
Bonne est l’amour honorable qui dure.]