Rondeau 119 : Vous m’escrivéz trop amoureusement (DCLXXXII)

Rondel

                        Vous m’escrivéz trop amoureusement
                        Et ne vouléz que je croye vo guette,
                        Maiz telz dit un qui autre chose a faicte.
                        Et quant a moy, sachiéz certainement
5                      Que je seray vers vous vraye et parfaite.
                        Vous [m’escrivéz trop amoureusement
                        Et ne vouléz que je croye vo guette.]
                        Mon chier seigneur, portéz vous loyaument,
                        Ne penséz point a l’annel ou vergette
10                    A vous donné. Amés vostre subgette.
                        Vous [m’escrivéz trop amoureusement
                        Et ne vouléz que je croye vo guette,
                        Mais tel dit un qui autre chose a faicte.]