Rondeau 4bis : Quant je vous ain de si parfaite amour (DCLIII)

Autre Rondel[1]

                        Quant je vous ain de si parfaite amour
                        Qu’il n’est nulz homs qui tant puist dame amer,                             184a
                        Veuilléz en gre recevoir ma clamour,
                        Ou autrement languir faut sans demour
5                      Mon triste cuer et tout desesperer,
                        Quant je vous ain [de si parfaite amour
                        Qu’il n’est nulz homs qui tant puist dame amer.]
                        Or ne[2] veilléz par reffus donner plour
                        De[3] mon las cuer, car trop auroit d’amer.
10                    Mais me veilliéz retenir par honnour.
                        Quant je vous ain [de si parfaite amour,
                        Qu’il n’est nulz homs qui tant puist dame amer,
                        Veuilléz en gré recevoir ma clamour.]

[1] Pièce identique au f° 157c sous le n° CCCCLXXX

[2] Ms. me

[3] Saint Hilaire corrige en A