Rondeau 90 : Tuit chevallier qui aléz par le monde (DCLII)
Rondel
Tuit chevallier qui aléz par le monde,
Et qui suiéz le mestier honorable,
Plouréz la mort du vaillant connestable.
Son grant renom par tout le ciecle habunde.
5 C’estoit Claquin, le puissant combatable,
Tuit chevallier qui aléz par le monde,
[Et qui suiéz le mestier honorable.]
Oncques n’[y] ot tel a la Table Ronde,
Car tous ses faiz sont grans et merveillable.
10 Et quant il sont plus que d’omme louable[1],
Tuit chevalier qui aléz par le monde,
[Et qui suiéz le mestier honorable,
Plouréz la mort du vaillant connestable.]
[1] Ms. domma laable