Rondeau 61 : J’ay a Cambray eu troiz frans de pur sort (DCXXIII)

Rondel

                        J’ay a Cambray eu[1] troiz frans de pur sort
                        Pour un demi a rendre a Compiengne,
                        Maiz que le roy et moy Eustace y viengne.
                        Bidaut de Quaix se met a prester fort
5                      Du gieu des dez. A tous de ce souviengne :
                        J’ay [a Cambray eu troiz frans de pur sort
                        Pour un demi a rendre a Compiegne.]
                        Or voye ailleurs ou il sera ressort,
                        Et hardiement s’au lieu voys si my prengne :
10                    Ce premier prest est mien a bonne estreine.
                        J’ay [a Cambray eu troiz frans de pur sort
                        Pour un demi a rendre a Compiengne,
                        Mais que le roy et moy Eustace y viengne.]

[1] Ms. en