Rondeau 34 : Est cilz aise qui ne se puet dormir (DXCVI)
Rondeau
Est cilz aise qui ne se puet dormir
Et qui ne fait toute nuit que viller,
Puces sentir, oyr enfans crier,
Sur un mattas et sur cordes gesir,
5 Avoir ors draps et sur dur orillier ?
Est cilz aise [qui ne se puet dormir
Et qui ne fait toute nuit que viller ?]
Et d’autre part oir la grant mer bruir
Et les chevaulx combatre et deslier ?
10 C’est a Calays. Granson, veillés jugier :
Est cilz aise [qui ne se puet dormir
Et qui ne fait toute nuit que viller,
Puces sentir, oyr enfans crier ?]