Rondeau 33 : Puis qu’il me faut ainsi ronger mon frain (DXCIV)

Rondel

                        Puis qu’il me faut ainsi ronger mon frain,
                        Il me convient prendre la bride aux dens
                        Au ratellier ou ce qui est dedens.
                        A ces failles m’envoyéz de l’estrain,
5                      Si rongeray tristes, las et dolens.
                        Puisqu’il [me faut ainsi ronger mon frain,
                        Il me convient prendre la bride aux dens.]
                        Et au surplus gardéz bien vostre main,
                        Car j’ay espoir qu’il vieigne un milleur temps,
10                    Maiz je ne say se c’est folie ou sens.
                        Puis qu’il [me faut ainsi ronger mon frain,
                        Il me convient prendre la bride aux dens
                        Au ratellier ou ce qui est dedens.]