Rondeau 30 : Estrangement, comme un povre estrangier (DXC)

Rondel

                        Estrangement, comme un povre estrangier,
                        En estrangent, et d’estrange maniere,
                        M’a vo regars regardé par derriere.
                        En regardant, sembloit qu’il dust mangier
5                      Mon la[s] de cuer, qui est boutéz arriere
                        Estrangement, [comme un povre estrangier,
                        En estrangent, et d’estrange maniere.]
                        Ainsis me font vos regars estrangier,
                        Dame, de vous, par vostre estrange ch[i]ere
10                    Qui m’a banny de vo grace premiere
                        Estrangement [comme un povre estrangier,
                        En estrangent, et d’estrange maniere,
                        M’a vo regars regardé par derriere.]