Rondeau 29 : Sur tous pays de mortier et de boe (DLXXXVII)

Rondel

                        Sur tous pays de mortier et de boe
                        Ne se doit nulz a Brie comparer,
                        Que Dieux a fait de tous biens separer.
                        D’y chevauchier n’est homme qui se loie,
5                      Et en tous temps y voy gens esgarer,
                        Sur tous [pays de mortier et de boe
                        Ne se doit nulz a Brie comparer.]
                        Vignes n’y a, ne riviere, ne gloe,
                        Hayes, buissons, pour les leups demourer.
10                    Et, au surplus, a tout considerer,
                        Sur tous [pays de mortier et de boe
                        Ne se doit nulz a Brie comparer,
                        Que Dieux a fait de tous biens separer.]