Chançon baladee 1 : Comment pourra mon corps durer (DXLI)

Chançon baladee

                        Comment pourra mon corps durer

                        Ne les doulx regars endurer
                                    De voz biaux yeux ?
                        Se bon espoir ne me fait mieulx
5                      Que je n’ay, il me faut finer.
                        En traiant m’ont voulu navrer
                        Jusqu’au cuer, par leur regarder
                                    Tresperilleux.
                        Dont du trait ne puis respasser,
10                    Mais m’en convendra trespasser.
                                    Ayde moy, Dieux !
                        Fay que Pitié vueille garder
                        Et bon espoir reconforter
                                    Mon plaint piteux.
15                    Car se Dangier le despiteux
                        Me nuist, je doy bien demander
                        Comment pourra mon corps durer

                        Ne les doulx regars endurer
                                    De voz biaux yeux ?
20                    Se bon espoir ne me fait mieulx
                        Que je n’ay, il me faut finer.