Balade 652 : Ce qui souloit estre anciennement (MXIII)
Autre Balade
Ce qui souloit estre anciennement[1]
Le plus chieri, craint, et plus honouré
Tant d’Eglise com seculierement,
Et par qui tout estoit bien gouverné
5 En la court Dieu, en temporalité,
Et qui chascun garroit son corps de vice,
Est au jour d’ui de tous pins rebouté,
Car on ne hait fors les gens de Justice.
Du temps jadis faisoit on autrement,
10 Car les bons clercs, en loy et en decret,
Orent adonc tout le gouvernement 267b
De tout royal et de crestienté.
Tout ala bien, estat leur fut donné
Sanz requerir et tout grant benefice.
15 Or n’ont plus rien. Science est en vieulté,
Car on ne het fors les gens de Justice.
Et qui les het ? Ly manieur d’argent
Qui est estas sont plus avant bouté,
Qui font le monde et le peuple indigent,
20 Fondent chasteauls, et tant ont acquesté
Que par eulx sont maint homme a povreté,
Et les mauvais, crueux, plains de malice,
Sur les juges ont leur venin getté,
Car on ne het fors les gens de Justice.
L’envoy
25 Prince, du tout voy taire Verité,
Les nonsaichans avoir l’auctorité,
Et li saichant n’ont estat ni office[2],
Mais d’iceuls sont li clerc suspeditté
Et li vaillant restraint et debouté,
30 Car on ne het fors les gens de Justice.[3]
[1] Saint Hilaire mentionne que ce vers est écrit à l’encre rouge
[2] Ms. noffice
[3] Saint Hilaire mentionne que tout l’envoi est écrit à l’encre rouge
