Balade 260 : Je, qui a toy suis par succession (CCLXIII)

Balade sur quelz poins doit durer ce royaume

                        Je, qui a toy suis par succession,
                        Et commencéz par divine ordenance,
                        De ferme foy, de generacion
                        Noble et puissant, acreu par vaillance,
5                      Tenuz de Dieu et non d’autre puissance,
                        N’aray ja fin, tele est ma destinee,
                        Se l’Eglise as et Dieu en reverence,
                        Justice en toy, et que bien soit fardee

                        Car Dieu de ce fist declaracion                                                            56d
10                    Au roy Clovis, quant il prist sa crzance
                        Par saint Remi, qui la saincte unction
                        Venant du ciel ou saint baptesme avance.
                        De ce sacre sont tous les Roys de France
                        Oint et sacré, et non autre lignee :
15                    Souviengne t’en. Aies sanz defaillance
                        Justice en toy, et que bien soit gardee.

                        Tes regnes sui. autre ont finicion
                        Et temps prefix, je t’ay dit ta sentence.
                        Assyrie fina sa region.
20                    Rome a perdu du mont l’obeissance.
                        Tu as duré et durras sanz doubtance,
                        Tant com raisons sera de toy amee,
                        Autrement, non. Fay donc a la balance
                        Justice en toy et que bien soit gardee.