Balade 254 : Telz est bien çains et bient vestuz (CCLVII)

Balade comment les plus apparens ne sont pas les plus riches

                        Telz est bien çains et bient vestuz
                        Et telz est grandement montéz
                        Qui a pou de frans et d’escuz
                        Et qui puet estre est endebtéz
5                      Et a d’autres neccessitéz
                        Et meschief de cuer qui lui nuit,
                        Dont l’en dit, et c’est veritéz :
                        Tout n’est pas or ce qui reluit.

                        De necessitéz font vertuz
10                    Pluseurs qui sont desconfortéz,
                        Et les nobles hommes le plus
                        Qui des longtemps se sont arméz,
                        Par guerre prins et raençonnéz,
                        Dont leurs champs et grenier sont vui,
15                    Et combien qu’ilz soient brodéz,
                        Tout n’est pas or ce qui reluit.

                        Autre ont servi contes et dus
                        Petitement guerredonnéz,
                        Qui a eulx se sont attenduz
20                    Et ont les grans estas menéz.
                        Si veulent bien estre ordonnéz
                        Et semble ce soit tout deduit,
                        Mais en telz gens maint povretéz,
                        Tout n’est pas or ce qui reluit.

                        L’envoy

25                    Princes, telz a nuz les costéz
                        Qui est plus aise et mieulx rentéz
                        Que telz par dehors d’argent luit.
                        Es estaz flourins ne queréz,                                                                 55c
                        Et moiens richesces prenéz
30                    Tout n’est pas or ce qui reluit.