Balade 16 : La maleiçon dont Dieux maudist Cayn (XVI)

Balade

                   La maleiçon dont Dieux maudist Cayn,
                   Des dix plaies dont [fut] ferus Egipte,
                   Du royaume des Argives la fin
                   [Et] Sodome et Gomorre a Dieu despite,
5                 Pour leurs pechiéz soit la terre mauditte
                   Du lac parfont que Judee puepla,
                   Qui a tous nuist et a nul ne profite.
                   De tous pais le plus mauvais pueple a.

                   De Judas vint ce pueple, son train
10                Tiennent. Trahir leur semble grant merite.
                   Aprés la mort Jhesus, prinst le chemin
                   Vaspasien, Jherusalem despite,
                   Et l’assiega. Rendue lui fut quitte,
                   Et .xxx. Juifs pour un denier donna.
15                Du denier vint la terre dessus ditte :
                   De tous pais le plus mauvais pueple a.

                   A rebeller de tous temps sont enclin,
                   Presumptueus sanz prisier une mite
                   Leur souverain. Maint ont fait orphenin,
20               Et pour ce veult Dieu qu’on les suspedite.
                   Quatre cens mil est la mort d’eulx escripte
                   Par leur orgueil, en leur terre, mais ja
                   N’amenderont. Saiges, ce lieu n’abite :
                   De tous pais le plus mauvais pueple a.

                   L’envoy

25               Princes, j’ay leu et trouvé en latin,
                   Que par la mer celle terre faulra
                   Pour son orgueil, car la gent dont je fin
                   De tous pais le plus mauvais pueple a.                         5b