Virelay 20 : Certes jamaiz ne cuidasse (DCCI)

Virelay

            Certes jamaiz ne cuidasse
            Qu’amour n’eust amant en grace,
            Puis qu’il amast loyaument.
            Or voy que desloyaument
5          Hayne amer me pourchasse.

            Car ce que j’aour me chasse,
            Arrier, de sa doulce face
            Que j’aim amoureusement,
            Et ne soufferroit en place
10        Ou elle fust que j’alasse,
            Pour moy plus donner tourment.

            Cause eust se je ne l’amasse.
            Or l’ain et si se solasse
            De mon mal joyeusement
15        Et prent grant esbatement
            En la doleur qui m’efface.
            Certes, [jamais ne cuidasse.]

            Je croy que Dangier me brasse
            Ce desdain, afin que face
20        Mon cuer plus destroictement
            Croistre en l’amour qui m’enlasse,
            Ou pour vir se je laissasse
            L’amer, maiz certainement

            S’il veult du tout me defface,         188a
25        Car pour deil ne pour menace
            Ne lairay acunement
            L’amer, maiz plus ardement[1].
            Ameray ce qui me casse.
            Certes [jamaiz ne cuidasse etc.]

[1] Saint Hilaire corrige en hardemment