Rondeau 169 : En attendant vostre bonne mercy (MCCCCXXXIX)
Rondeau
En attendant vostre bonne mercy,
Sui a Paris, des[1] mardi ot .viii. jours,
A .vi. chevaulx : trop m’est durs li sejours.
Mieulx amasse estre ou chastel de Courcy :
5 Compter, paier me couvient : c’est uns tours.
En attendant vostre bonne mercy,
Sui a Paris, des mardi ot .viii. jours.
Gens et chevaulx m’ont tout le cuer nercy,
Car chascun d’eulx veult mangier comme uns ours :
10 Partir ne puis, se de vous n’ay secours.
En attendant vostre bonne mercy,
[Sui a Paris, des mardi ot .viii. jours
A .vi. chevaulx : trop m’est durs li sejours.]
[1] Mot doublé par le copiste