Rondeau 157 : Envoiéz moy par tout le monde (MCCCIII)

Rondeau

                        Envoiéz moy par tout le monde,
                        Fors sur le pays d’Alemaingne,
                        En alant Morave et Behaingne.
                        Car regarder a la roonde[1],
5                      Sur les champs qu’aucun ne le praingne :
                        Envoiéz moy par tout le monde.
                        Et qui de seureté n’abonde,
                        Se prins est, trop seuffre de paine
                        En fers, en ceps, rançon villaine :
10                    Envoiéz moy par tout le monde,
                        Fors sur le pais d’Alemaingne,
                        En alant Morave et Behaingne.

[1] Ms. larronde