Rondeau 155 : Dame, cellui qui n’ose a vous parler (MCCLXXV)
Rondeau
Dame, cellui qui n’ose a vous parler,
Et qui vous aime tresamoureusement,
Pour vostre amour languist dolentement.
Pour ce vous fait ce rondel presenter,
5 Afin de lui donner allegement,
Dame, cellui qui n’ose a vous parler.
Or lui vueilliéz un doulx espoir donner,
Quant vous sçavéz son doleureux tourment.
Si feréz bien, et si non, vraiement,
10 Dame, cellui qui n’ose a vous parler
Et qui vous ayme tresamoureusement,
Pour vostre amour languist dolentement.