Rondeau 153 : Servir a femme et a enfans (MCCLXXI)
Autre rondeau
Servir a femme et a enfans
Et a peuple est moult [grant] peril
A tout homme, tant soit soutil,
Car en ces trois a pou de sens.
5 Pour ce, mal pour bien rendent il.
Servir a femme et a enfans
Et a peuple est moult [grant] peril.
Seneque en mourut avant temps[1],
Boece en mourut en exil.
10 Et quant d’exemples y a mil,
Servir a femme et a enfans
Et a peuple est[2] moult [grant] peril
A tout homme, tant soit soutil,
Car en ces trois a pou de sens.
[1] Ms. son temps
[2] Ms. a