Rondeau 148 : Doleur, Paine, Ennuy et Tristesse (MLXXXIV)
Autre rondel contraire
Doleur, Paine, Ennuy et Tristesse 286d
Ne veulent joie ne soulas
Ne deduit, fors crier : helas !
Trop sont en obscure fortresse
5 Prins, et tenus en divers las.
Doleur, Paine, Ennuy et Tristesse
[Ne veulent joie ne soulas.]
Et encore ce qui plus les blesse
Est d’ouir feste hault ne bas,
10 Et pour ce je tien qu’en tel cas,
Doleur, Paine, Ennuy et Tristesse
Ne veulent joye ne soulas.