Rondeau 146 : Ne desire nulz les hauls lieux (MLXXXII)
Rondeau
Ne desire nulz les hauls lieux
Ne les trop bas, mais le moien,
Et il lui sera tousjours bien.
A mon jugement c’est le mieulx
5 Et le plus seur au derrien :
Ne desire nulz les hauls lieux,
Car les hauls lieux sont perilleux,
Les trop bas de foible merrien.
Pran entre deux et la te tien :
10 Ne desire nulz les hauls lieux,
Ne les trop bas, mais le moien.