Rondeau 116 : Les dyables m’ont rompu ma houppelande (DCLXXIX)
Autre Rondel
Les dyables m’ont rompu ma houppelande,
Et ma chappe est par vin toute perdue.
Mieulx m’eust valu chassier en une lande :
Les dyables m’ont rompy ma houppellande.
5 Au roy suppli de[1] ce meffait amande,
Et que par lui m’en soit une rendue.
Les dyables m’ont rompu ma houppellande
[Et ma chappe est par vin toute perdue.]
[1] Saint Hlaire corrige en que