Rondeau 109 : Dame, que j’ain sur toute creature (DCLXXII)
Rondeau
Dame, que j’ain sur toute creature,
Ne m’oubliéz se de vous sui lointains,
Car mes [fins] cuers cous est toudiz prochains.
Vous ne savéz les griefs maulx que j’endure
5 Et con je suis pour vostre amour attains.
Dame, que j’ain sur toute creature,
[Ne m’oubliéz si de vous sui lointains.]
Maiz me donnéz donc joyeuse pasture
Et ne creéz les faulx rappors villains,
10 Car loyaulx sui et pour ce ne le crains.
Dame, que j’ain sur toute creature,
[Ne m’oubliéz si de vous sui lointains,
Car mes fins cuers vous est toudiz prochains.]