Rondeau 106 : Se mes chevaulx n’ont accort a mon hoste (DCLXIX)
Rondel
Se mes chevaulx n’ont accort a mon hoste,
Je n’ay mestier de chausser esperon,
Maiz trotteray a piet comme un garson.
A Pariz m’ont trop fort rongé la coste.
5 Or me fauldra chevauchier un baston.
Se mes chevaulx n’ont accort a mon hoste,
[Je n’ay mestier de chausser esperon.]
Or veille Dieux aucune ame devote
Mouvoir vers eulx, qui paie leur paison,
10 Ou vendre fault malle, scelle et arson.
Se mes chevaulx n’ont [accort a mon hoste,
Je n’ay mestier de chausser esperon,
Mais trotteray a piet comme un garson.]