Rondeau 93 : Vous qui portéz l’ordre de la couronne (DCLVI)

Rondel

                        Vous qui portéz l’ordre de la couronne,
                        Soiéz vaillans, preux, loyaulx et hardiz,
                        Larges en dons et courtoiz en vos diz,
                        Humble[s] et doulx envers toute personne,
5                      Fors seulement contre vos ennemis.
                        Vous qui portéz l’ordre de la couronne,
                        [Soiéz vaillans, preux, loyaulx et hardiz.]
                        Améz de cuer cellui qui [vous] le donne.
                        Armes suiéz. Soiéz l’un l’autre amis.
10                    Queréz honneur et poursuiéz toudiz.
                        Vous qui portéz l’ordre de la couronne,
                        [Soiéz vaillans, preux, loyaulx et hardiz,
                        Larges en dons et courtoiz en voz diz.]