Rondeau 83 : Contre moy guetent Envie et mesdisans (DCXLV)
Autre Rondeau
Contre moy guetent Envie et mesdisans
Et Faulx Rappors et Dangiers li villains.
C’est de pieça car il a bien .x. ans
Contre moy [guetent Envie et mesdisans.]
5 Tant m’ont grevé, Dieu les soit maudisans !
Que n’oser aler vers ma dame, et si l’ains.
Contre moy [guetent Envie et mesdisans
Et Faulx Rappors et Dangiers li villains.]