Rondeau 47 : Tresors poitrons, orribles et punays (DCIX)

Autre Rondel

                        Tresors poitrons, orribles et punays,
                        Hideux, rongneux, noirs, velus, contrefaiz,
                        Pendus soit il qui vous monstre ne porte,
                        Car vous sembléz une signesse morte.
5                      Grans pechiéz est que ne fustes deffaiz,
                        Tresors [poitrons, orribles et punays,                                              180d
                        Hideux, rongneux, noirs, velus, contrefaiz.]
                        Car d’ordure procedent tous vos faiz.
                        Tous les dyables puissent prendre la paix
10                    A vostre ort cul qui tant me desconforte,
                        Qu’il n’est chambre qui tel pueur raporte !
                        Tresors [poitrons, orribles et punays,
                        Hideux, rongneux, noirs, velus, contrefaiz,
                        Pendus soit il qui vous monstre ne porte.]