Rondeau 42 : Je doy bien au cuer avoir joye (DCIV)

Autre Rondel

                        Je doy bien au cuer avoir joye,
                        Puis que ma dame vrayement
                        Veult que je vive liement.
                        Pourquoy doncques ne le feraoye ?
5                      Joyeux seray ou que je soye.
                        Quant c’est par son commandement,
                        [Je doy bien au cuer avoir joye.]
                        Il convient que je me resjooye
                        Et que je chante hautement.
10                    Je doy bien [au cuer avoir joye,
                        Puis que ma dame vrayement
                        Veult que je vive liement.]