Rondeau 26 : De grant dolour est en joye venus (DLXXXIV)

Rondel

                        De grant dolour est en joye venus
                        Mes dolens cuers qui se resjoist a plain,
                        Quant li vous plaist moy dire coms je crain
                        A tousjours maiz seray vostre tenus.
5                      Ma dame estes et vostre cerf me clain.
                        De grant [dolour est en joye venus
                        Mes dolens cuers qui se resjoist a plain.]
                        Si ne seray plus de leesse nuz,
                        Mais chanteray joyeux, et soir et main,
10                    Ce rondelet dont il a ou refrain :
                        De grant [dolour est en joye venus
                        Mes dolens cuers qui se resjoist a plain,
                        Quant il vous plaist moy dire coms je crain.]