Rondeau 13 : Royne des cuers et de l’onneur mondaine (DLXXI)

Rondeau

                        Royne des cuers et de l’onneur mondaine,
                        Que la mort a sans cause mis a fin,
                        Ayéz pité de moy, povre orphenin.
                        Car par vous sui convertiz en fontayne
5                      De pleur dolent, tant que plorer ne fin,
                        Royne [des cuers et de l’onneur mondaine
                        Que la mort a sans cause mis a fin.]
                        Ne me laissiéz en cest[e] amere playne,
                        Priéz pour moy et faictes mon chemin.
10                    M’ame vous quiert, comme vray pelerin :
                        Royne [des cuers et de l’onneur mondaine
                        Que la mort a sans cause mis a fin,
                        Ayéz pité de moy, povre orphenin.]