Rondeau 5 : Dolens douleur, dolereuse et dolente (DXLIX)

Rondel

                        Dolens douleur, dolereuse et dolente,
                        Me fait desir chascun jour endurer,
                        Tant que ne[1] puis plus vivre ne durer.
                        Joye me fuit, tristesse me presente
5                      Courroux et dueil jusqu’au[2] desesperer.
                        Dolans doleur, dolereuse, dolente,
                        Me fait desir chascun jour endurer.
                        Par long demour me vient ceste tourmente,
                        Par non veoir, par non oser parler,
10                    Et quant vers vous n’ose[3] venir n’aler,
                        Dolans dolour, dolereuse, dolente[4],
                        Me fait desir chascun jour endurer,
                        Tant que ne puis plus vivre ne durer.

[1] Ms. je ne

[2] Ms. jusques au

[3] Ms. nose doublé

[4] Ms. dolente etc.