Rondeau 3 : On doit aler guerroier en esté (CCXXX)

Rondeau

                        On doit aler guerroier en esté
                        Et ou printemps que l’erbette point drue,
                        Que li chaut vient et yver se remue.
                        Les chevaulx ont lors tous biens a plenté
5                      Et le logeis de mal en bien se mue.
                        L’en doit aler guerroier en esté
                        Et ou printemps que l’erbette point drue,
                        Neige et gresil sont en terre bouté,
                        On oit chanter chascun parmi la rue[1] :
10                    Arme toy lors, tien toy l’iver en mue.
                        L’en doit [aller] guerroier en esté,
                        Et ou printemps que l’erbette point drue,
                        Que li chaut vient et yver se remue.

[1] Ms. larrue