[41r]
CHAPITRE 30 – S’ensuyt des Barges d’Olonne.
Au pied des Barges d’Olonne, y a quatorze brasses et vase ; si saille du Partuys Breton, va a quinze brasses ; et n’aye doubte des barges, car a l’entree d’elles, y a dix brasses ; et du Partuys Berton n’aye paour jusques a l’Isle d’Ieux, car il y a deux veues. Si tu viens de l’hault et tu veulx passer entre les deux barges, mectz la Tour de Arbondelle par my la Poincte de la Chausme ; et que la tour soit sus le bout de la poincte qui est sable. Et adonc n’aye paour de l’une ny de l’autre barge. Et va ses esmes jusques aye le moulin qui est au bas de l’eglise de la Chaume par my la cheute[1] du gros puys de sable presque a l’avallee dudit puys ; et ledit puys est noir par dessus et blanc devers la mer. Et quant tu auras a ouvert l’eglise la largeur de deux trefz du chasteau et l’eglise devers le suest, tu seras le travers de la barge terrienne, car l’autre marine est plus en l’hault que la terrienne ung petit.
Si tu veulx passer au dehors de toutes les Barges d’Olonne, il fault que tu mectez le clochier de l’eglise de la Chaume a ouvert de la pointe de la Chaume, qui est entre l’eglise et la tour, qui est celle poincte de sable ; et va cestes esmes ; et n’aye doubte desdictes barges ; et tu auras le moulin qui est au bas de la Chaume a la cheute d’ung gros puys qui est noir dessus, blanc devers la mer ; et est le plus gros puys de la entour. Et lors tu seras le travers des Barges d’Olonne.
CHAPITRE 31 – S’ensuyt de l’Isle d’Ieux
L’Isle d’Ieux et Bellisle sont noroest et suest. Et sache que devers le suest de Bellisle, y a vingt cinq brasses ; et par dehors dudit isle, y a quarante cinq brasses, pour raison du cap devers l’oest qui est trop parfond.
L’Isle d’Ieux et Belles Eaux sont nordest et syroest.
La Poincte des Corbeaux de l’Isle d’Ieux, qui est devers le suest, et la Barge d’Olonne sont noroest et suest.
[41v]
Si tu aterres a l’Isle d’Ieux, sache que la poincte qui est devers bas de l’isle, qu’on appelle les Chyens Poyrynnes, et est hors de l’isle en mer ; celle poincte, elle gist nordest et siroest. Et si tu es a l’ung des boutz desditz Chyens Poyrynnes par dehors, au bout devers le syroest, va sus le nort nordest ; et n’ayes paour. Si tu es au bout devers le nordest, va sus l’oest siroest ; et n’aye doubte d’elles.
CHAPITRE 32 – S’ensuy les noms des poinctes et rochiers et caps dudit Isle d’Ieulx, la ou messeigneurs les prestres et autres du chappitre des Os ont de grans privileges et seigneuries
Si tu veulx aller l’hault le long de terre dudit Isle d’Ieux et tu soye hors des Chiens Poyrynes, est noroest en mer d’elles, pour les doubler et toy garder d’elles, mectz une grosse poincte de terre que l’on apelle Chastellier ; et est aval du chasteau ladicte isle. Ledit Chastelier appartient a l’ung de messeigneurs dudit chapitre nommé[2] maistre Lucas Moret ; et la prent son gros et la dixme des fruictz. Il te fault mestre icelluy Chastelier et poincte par my une autre poincte que l’on appelle le Turpail, qui est une poincte de terre longue qui est enfermee en la mer ; et est icelle Poincte du Turpail entre ledit Chastelier et les Chiens Poyrynes toute basse. Et est ung membre dependent dudit benefice du Chastelier ; et est en la collation dudit maistre Lucas Moret, seigneur susdit. Et en metta[n]t la Poincte du Chastelier par my ladicte poincte du Turpail et aller icelles esmes jusques le travers dudit Turpail – il est bien seur ; et ne fault avoir doubte de ryens. Et quant tu auras passé le Turpail qui est bien seur bort a bort, mectz les Chiens Poyrynes par my ledit Turpail ; et va ainsi tout le long de terre.
Si tu veulx passer entre les Chiens Poyrines et terre des que seras le travers d’elles en terre et que tu entre devers le siroest, des que les lesseras arriere du travers, ne couvoiste plus de babort ny devers elles, pour une basse qui est en nordest d’elles, [42r] qui ne se monstre si non de grosse mer.
Et si entre devers le nordest, ne ouvre point les deux poinctes que tu voyrras le travers d’elles a terre l’une de l’autre ; et n’en fays que une poincte. Et lors tu passeras entre les Chiens Poyrynes et ung autre rochier que l’on appelle le Champ ; et va icelles esmes jusques aye ung moulin, le prochain du bout de l’isle de celluy cousté par my une ance de sable que voyrras, la prochaine ance de la poincte qui est a droit les Chiens Poyrynes. Et quant tu auras icelluy moulin par my l’yssue d’icelle ance de sable devers l’oest, tu seras le travers d’icelle pierre ; ne ouvre point les deux poinctes jusques tu soyes passé celle basse ; et puys va hardiment.
Si tu viens de l’hault et tu aterrez audict Isle d’Ieux au bout d’amont et tu veulx aller le bas devers le su de l’isle pres de terre, pour toy garder de troys pierres qui sont le travers de une ance de sable qui est bien pres du bout de ladite isle, devers le su siroest et l’on l’appelle le Veil, si tu viens de l’hault, la prochainne poincte de terre que voyrras au bas d’icelle ance de sable qui est le Veil, ce sera la Tranche ; et est dehors la poincte comme une petite isle.
Et pour toy garder d’icelles troys pierres qui sont le travers d’icelle ance du Veil, lesquelles pierres sont appellees les Ourses, garde que tu ne ferme point celle pierre ou Poincte de la Tranche dedans la terre de la largeur d’ung grant tref, car si tu la ferme, tu iras dessus lesdites Ourses. Et va icelles esmes jusques soyes ung arbre ront, qui est le travers de l’ance du sable, en terre par my deux petis rochiers, qui sont en my l’ance du sable. Et quant celluy arbre sera sus le prochain rochier devers l’hault, tu seras a travers de la premiere pierre devers l’hault. Et quant auras l’arbre sus le rochier du bas, tu seras sus icelle devers bas. Et, par ce, pour toy garder d’elles et sçavoir quant seras et passeras en mer d’elles, ne ferme poinct le clochier de l’eglise par my la terre qui est au bas et d’icelle ance de sable susdicte.
[42v]
Sache que ladite Poincte de la Tranche est l’ung des gros benefices dudit chappitre des Os. Et appartient a maistre Vincent Bossy, soubzchantre dudict chappitre.
Amprés, y a une grande basse que l’on appelle les Chymiers, qui est pres de terre devers la taillee. Et c’est l’ung des plus nobles benefices et mieulx renté de tout ledit chappitre ; et appartient a maistre Jacques Maugars, doyen dudit chappitre. Et icelle de basse ne descouvre point, si n’est de tempeste ; et y a force veillez et aguylles a la saison.
Auprés, y a une grosse montaigne de pierre qui est bien haulte et royste, que l’on appelle la Taillee ; et est l’une des grosses prebandes dudit chappitre ; et appartient a maistre Lucas Delomeau, l’ung des vicaires dudit chappitre.
Puys, y a ung gros rochier qui est environné de mer quant elle est plaine. Et l’on l’appelle le Garouborit, qui est ung benefice bien renté et de grant revenu ; et appartient a maistre Jacques Thomas, procureur dudit chappitre.
Et pres d’iceluy, y a une ance et conche que l’on appelle le Pyssot, la ou il y a bon radde – mais c’est rochier ; et ladite conche, elle despent du benefice du bergier, en laquelle ance le seigneur dudit bergier cuylle et amasse grant multitude de faing.
Emprés, voyrras ung gros rochier qui est endroit une chappelle, lequel rochier s’appelle la Tourette, qui est le plus noble benefice de tout ledit chappitre et hault a merveilles. Et y a grant abondance de tous oyzeaulx maryns comme cormarans couars baguyllez gaellans hayrons pouacres et grant force de pigons ; et appartient a maistre Jacques Mauclerc, escuyer et fondateur dudit chappitre.
Et ledit rochier fait l’entree du port de la Meulle de ladite isle ; et est enfermé tousjours de mer ; et y a grosse garde tant de jour que de nuyt ; et les gardes dudit lieu sont gros raviers palliers, abrans, hyraynnes, roylangoust, langoustes, et grandes macres, et grosses
[43r]
jambles, et sont par dessus tous les gros burgaulx, avecques leurs cors courans jusques a la symme dudict rochier ; et illec font le guet. Et nuel sans le congié dudit seigneur n’auseroit entrer dedans, car il seroit devoré de ces cruelles bestes inhumaines et d’autres monstres marins.
Endroit dudict rochier est la conche que l’on appelle la Conche Hullee, qui est par le dedans, et la radde dudit Havre de la Melle ; et y a bon abrys d’est, de nordest, de nord, de noroest et de oest ; mais c’est rochier, et fault mettre horyn, ou autrement on perdroit les ancres ; et je le scay par experience. Et ladite conche est le benefice et la meilleure prebende du revenu qui soit ondict chappitre ; et est inestimable ; et elle appartient a maistre Lucas Durend, prevost dudit chappitre ; et peult prendre et lever le convoys de tous navires qui passent et mettent leurs ancres en icelle.
Puys, quant vouldras sortir dudit Port de la Meulle, il te fault bien donner garde du ras d’une isle que l’on appelle le Berger, laquelle isle est ung petit rochier qui couvre de my flaux et paroist demy jusent ; et est devers le noroest ; et est fort dangereulx de suest, de su, de syroest, et de oest siroest si tu es abbatu dessus, car le ras et la maree y est bien merveilleuse de maulvais temps. Et, par ce, donne toy garde si tu n’as bon pillot. Et si tu veulx avoir bon pillote, prens le seigneur dudit Berger, car il est parfaict en pillotage et jour et nuyt. Et ledit Berger est le plus grant benefice et de plus grande charge que benefice dudit chappitre, car celluy qui est proveu d’icelluy est le promoteur d’office dudit chappitre. Et bien souvent poyet amande audit chappitre, aucunes foys pour n’avoir faict information contre les delinquens, aucunes foys pour faire information, lesquelles il ne peult prouver, a quoy il est tenu par les constitutions dudit chapitre, qui ne sont pas bonnes pour ledit promoteur, car il n’y a aucune praticque mais tout dommage [43v] et ennuy. Mais tous ceulx qui prenent ondit Bergier ou a la Conche Hullee susdicte aucune chose sans congié dudit promoteur, il sont mauldis, excommuniéz de l’auctorité du pape, pareillement en toute la terre dudict Isle d’Ieux ; et appartient a maistre Jehan Augereau, promoteur dudict chappitre.
Bien pres de la, y a une poincte de rochier, qui est une petite isle que l’on appelle la Pere, qui faict l’entree dudit Port de la Meulle devers le syroest qui est ung bien bon benefice et de grant renon et revenu innumerable, car tous navires luy doibvent obeissance ; et appartient a maistre Jacques Bossy, official dudit chappitre.
Emprés, est ung aultre hault rochier que l’on appelle le Villain, qui est bon benefice, mais il est en patron laix ; et appartient a maistre Bartholomy Trudon, avecques une chappelle que l’on appelle Tranchet. Et, par ce, ledit seigneur, a cause de ses benefices, a nom monseigneur de Tranche Villain.
Et puys ung peu au bas, y a une grosse terre et gros rochiers haulx et roistes que l’on appelle la Macrouse, qui est ung bon benefice onquel y a grans multitude de tous biens croyssans en mer, comme macres normiers palourdes jambles crouseilles moucles grosses et petites a grant planté et aultres choses ; et appartient a maistre Michel Cadou, accesseur de monseigneur l’official dudict chappitre.
Si tu veulx aller par dedans l’Isle d’Ieux et tu soye au bout d’amont, donne toy garde de la poincte devers l’est, car les Couillons y sont, qui sont bien hors de la poincte ; et sont bien dangereux, car il ne paroissent pas tousjours ; et quant il est my flaux, ilz sont couvers et demy jusent, ilz paroissent.
Si tu va le bas ou l’hault il te fault donner garde d’ung rochier qui est le travers desditz Couillons, qui ne paroist jamais, que l’on appelle Recoux, qui est bien dangereulx d’une grosse mer, car il ront et faict bien dommage, qui ne luy donne bon ryn.
[44r]
Et icelluy Recoux est l’ung des benefices dudict chappitre ; et vault autant porte comme sus lieu ; et appartient a maistre Jehan Bouchier, chantre du hault cueur.
Et puys emprés, ung peu au bas, voyrras une grant ance de sable que l’on appelle la Conche. Et la est le bon paux et radde, en mettant le clochier de l’esglise par my une terre noyre qui sont Fregonneres.
Et auprés, y a ung rochier qui se nomme Babyoteau, qui est l’autre benefice dudict chappitre, la ou beaucop d’aventures adviennent de gros temps, car aucunes foys il fault laisser cables et ancres ; et appartient a maistre Jacques Huet, ausmonnier et despencier dudit chappitre.
Et en allant le bas, si tu veulx passer entre les Chiens Poyrynnes et terre des que auras passé ung rochier qui est au bas du Port Breton, lequel rochier on appelle le Champ, qui est bien sain, donne toy garde d’ouvrir deux poinctes qui sont a terre le travers des Chiens Poyrynnes l’une de l’autre ; et n’en fays que une poincte pour toy garder d’une basse, laquelle te demourra destrebort, qui ne paroist point, car elle est decevable, car puys que la mer sera belle, plusieurs foys la mer fraindra dessus et non pas tousjours. Et, par ce, elle est decevable. Et quant tu seras le travers d’elle, tu auras ung moulin, qui est le prochain du bout de l’isle, par my une ance de sable que l’on appelle les Berrosches, qui est bien grant ance ; et est la prochainne des Chiens Poyrynes devers le nordest. Et quant auras celluy moulin a l’yssue de l’ance devers le syroest, tu es le travers d’elle ; et va hardyment entre les Chiens Poyrynnes le plus devers terre et rengent terre ; et n’aye doubte des Chiens Poyrynes.
Si tu viens de la mer en fore, l’Isle d’Ieux se monstre par troys bosses ; et est ront devers l’est le plus hault au meillieu ; et est poinctu devers bas. Et y a au bout devers bas une isle petite que l’on appelle les Chiens Poyrynnes, de quoy ay faict mention dessus.
[44v]
Pour bien congnoistre l’Isle d’Ieux, si est que tu veoirras aussi toust ou plustost le clochier de l’eglise, que la terre de belle veue.
L’Isle d’Ieux gist est et noroest ; et est semblable a ceste figure.
[figure « L’Isle d’Ieux. », « Les Chiens Poyrines »]
Sy tu va le bas pour querir le Pillier et veille ranger devers Noirmonster, pour toy garder des dangiers devers Noirmonstier, il fault que tu aye la Tour de Noirmonstier la haulteur d’ung homme au dessus de troys gros puys de sable qui sont devers la mer ; et aussi sont les plus bas et les plus haulx. Et quant tu seras en bon chenal, tu trouveras douze brasses et quatorze brasses d’eaue. Et si le vent est d’amont et tu veulx ranger pres, ne va point plus pres de six brasses si tu ne scay bien comment, car quant tu seras a six brasses, si tu cours sus le nort ou sus le nort noroest [45r] pour querir le Pillier, il y a auprés d’une lieue du Pillier une poincte de ces dangiers qui va hors a la mer, car qua(n)t tu auras sondé a six brasses, jecté la sonde, tu ne trouveras que quattre[3] ou troys brasses – les dangiers sont grans ; par ce, si tu ne scay bien comment, ne tumbe point dessus si tu puis.
Les Chyens Poyrynnes et le Pillier gisent nort et su.
Si tu es au Pillier et tu veulx aller a la Chese, pour toy garder des reboulles et des dangiers qui sont devers Noirmonstier, seille tant avant pour le nordest ung quart de nort, jusques voye Sainct Nicolas de Barbastre ouvert dehors la Poincte de la Chese et du sable. Et puys va sus l’est.
L’Isle d’Ieux et le Pillier gisent nort et su.
Le Pillier est une isle qui est bien bas et est pres de Noirmonstier.
Le Pillier gist est suest et oest noroest ; et est ront devers l’est suest ; et va en apoinctant devers le noroest ; et par le meillieu est le plus hault ; et y a dedans des murailles d’une chappelle ; et devers l’oest y a une petite isle et deux farraillons qui sont tout au bas pres de l’eaue.
CHAPITRE 33 – S’ensuyt pour aller en Loyre.
Si tu veulx aller en Loyre, le Pillier et la Poincte de Chesmoulyn gisent nort nordest et su syroest.
La Poincte de Chesmoulyn est au bas de Sainct Lesayres ; et y a dessus une chappelle ; et est une poincte noire.
Et pour bien chenollier et te garder d’une basse qui te demourra de babort, que l’on appelle la Lamberte, qui est en syroest des Charpentiers et de Pierre Persee, et aussi pour toy garder des Charpentiers, va sus le nort nordest, jusques veoye ung moulin qui est en terre le travers d’une ance de sable ; et est celle ance de sable entre la Poincte de Chesmoulin[4] et une autre poincte de rochier qui est noire, qui est au bas de Chesmoulin la prouchainne. [45v] Metz icelluy moulin par my celle ance de sable le plus devers Chesmoulyn. Et quant aprocheras de terre, mectz le moulin sus la poincte noire, devers l’est, devers Chesmoulyn, la largeur de deux trefz, pour toy garder des Cherpentiers ; et n’aye paour. Et quant tu veoyrras ung village qui est au bas de Sainct Lesayres bien loing de la mer en terre ; et n’est pas le prochain village de Sainct Lesayres, c’est le second ; et y a entre celluy village et Sainct Lesayres deux moulins ; et y a grant planté d’arbres entour du village, car il resemble estre ung boys. Et au bout de bas du village, y a ung arbre ront ; et est pres du village ; quant voirras celluy village, mectz le villaige par my celle poincte qui est en l’hault de ladicte chappelle ; et va ainsi contre celle poincte a celles esmes. Et ne ferme poinct celluy village dedans celle poincte, car tu iroys sus ung banc que l’on appelle Raure, qui est le travers de celle ance ou est celle chappelle ; et est celluy banc pres de terre ; et l’appelle l’on le Banc du Raure ; et n’y a dessus de plainne mer d’ung mort d’eaue que brasse et demye ; et en terre du banc, y a deux brasses et deux brasses et demye de basse mer.
Et si tu passe en terre d’icelluy banc, donne bon ryn a la poincte qui est en l’hault d’icelle chapelle la prochainne poincte, car elle va bien hors. La passee n’est pas guaisres bonne de basse mer et de vent de su, si le vent n’est bien a main, car il fault aller pres de terre bort a bort.
Et si te veulx garder de celluy Banc de Raure, ne ferme point celluy village qui est en terre, qui est icy dessus escrit, dedans la poincte ; et aussi ne ferme point le clochier de Sainct Lesayres dedans les autres poinctes ; et va hardiment. .
Et aussi, pour toy garder du banc que l’on appelle le Banc du Verme, qui te demourra destrebort, ne ouvre point celluy village de celle poincte, car l’arbre qui est ront soit tousjours par my la poincte. Et va cestes esmes jusques a bort de terre le travers de celle [46r] poincte qui est en l’hault de la cappelle ; et donne ryn a la pointe, car elle va hors ; et aussi ne ferme point le clochier de Sainct Lesayres dedans l’autre poincte.
Et quant seras a cestes esmes, mectz le cap sus l’est nordest ; et iras le long de terre de poincte a pointe ; et donne ryn a chascune poincte.
Et quant auras passé celle poincte, tu trouveras cinq brasses en chenal.
Et quant seras plus avant le travers de l’autre, mectz la prochainne de Sainct Lesayres ; tu trouveras neuf et dix brasses.
Et quant seras le travers de l’autre poincte, la ou il y a ung village pres de la mer, tu veoirras ung arbre ront en celluy village ; mectz celluy arbre ront par dedans de celle poincte qui est le travers du villaige devers l’est suest, sus ung petit puys ront qui est sus celle poincte.
Et puys seras le travers d’ung rochier que l’on appelle les Moreez.
Et pour toy garder d’elles, en antrant, ne ferme poinct le clochier de Donges dedans la Poincte de Maudyn la largeur d’ung tref, qui est la poincte qui est devers l’est de Sainct Lesayres, qui est le second clochier que tu veoirras en amont de Sainct Lesayres. Et aussi ne ouvre poinct l’eglise de Sainct Lesayres de la poincte devers Sainct Lesayres ; et va ainsi celles esmes ; et n’aye doubte des Morees.
Et quant seras passé les Morees, si tu veulx pauser devant Sainct Lesayres, va tant avant en chenal que veoye ung grant arbre qui est long et hault ; et il est au nort de Sainct Lesayres et le ouvre dehors de la Poincte de Sainct Lesayres bien loing ; et puys va au paux.
Le meilleur paux qui soit si est quant[5] l’on a la chemynee du priouré parmy une fee. Et tu auras abrys et six brasses de basse mer. Et l’abrys sera de syroest, de oest, de noroest et de nort.
[46v]
L’Isle d’Ieux et le Pillier gisent nort et su. Et pour bien routoyer, prens les Chiens Poyrynnes et le Pillier.
L’Isle d’Ieux et le Cardinaulx : nort noroest et su suest.
L’Isle d’Ieux et l’entree de Morbian : nort noroest et su suest ; garde toy du Cardinau.
L’Isle d’Ieux et Bellisle : noroest et suest.
L’yssue de la Chese et Lomaria de Belle Isle : est et oest.
CHAPITRE 34 – Pour Guerrande
Si tu veulx aller en Guerrande, va le nort et sus le noroest. Et tu lesseras la Banche de babort devers le nort noroest ; et iras sus le Cap de la Banche. Et puys verras le clochier de Guerrande. Et puys tr(o)uveras troys brasses et demye ou quattre entre terre et la Banche.
Pierre Persee et la Croix de Guerrande gisent est et oest ; et prens ung quart de noroest et ung quart de suest.
La Croix de Guerrande et l’Isle de Dumet gisent nort noroest et su suest.
La Croix de Guerrande et la Poincte du Bon Sainct gisent noroest et suest
La Poincte du Bon Sainct et le Partuys du Bessic gisent est nordest et oest syroest.
L’Isle de Dumet et le Four : nort et su. Et le Four est une isle ; et y passe l’on tout entour ; mais la poincte devers le su va hors a la mer ; et est bien dangereuse.
Sache que le Dumet est devant l’entree de la Chenau de Redon et est bien pres du Four qui est sable et est une isle ; et est devant Guerrande. Et puys y sont les Cherpantiers. Et puys y est la Banche, qui dure jusques a l’entree de Loyre. Va a ryn de tous ces dangiers.
Sache que le Chenal de Redon gist est nordest et oest syroest.
Sache que au Dumet devers l’est nordest a bon paux a six brasses ; et auras abris de syroest et de oest syroest
[47r]
Belisle et le Poinctaulx de Groye devers le suest gisent nort et su.
Le Poinctaux de Bellisle : devers le noroest. Et celluy de Groye du noroest gisent nort noroest et su suest.
Bellisle et Sainct Guyndas : noroest et suest. Et qui va par dedans Bellisle et veult avoir paux dedans Glenans, preigne ung peu de l’oest ; et iras soubz Sainct Guyndas par raison.
Le Pointaux de Belle Isle : devers l’est.
Et le Pointaux de Cabarain : devers le suest nort et su.
Le Poinctaux de Groye : devers le noroest
Et l’Isle Sainct Guyndas : est et oest.
Le Pointaux de Bellisle devers le Port Sanson et la basse dehors Glenans gisent est suest et oest noroest.
Groye et Glenans gisent est et oest.
Antre Groye et Glenans, y a une basse ; et y a les deux pars de la chenal entre la basse et Groye et le tiers devers Glenans. Et pour toy garder d’icelle basse, mectz Sainct Nicolas de Glenans hors de la poincte de l’isle a ouvert, la largeur de deux trefz ; et a nom icelle poincte Pain Froit ; et passeras en terre de luy.
Et se tu veulx passer en terre de Glenans, passe pres de luy a ung tret d’arc, car il est bien seur.
Antre Glenans et l’Isle de Molinnez, y a deux pierres qui sont par le meillieu de routte entre les deux isles de Glenans et de Moliennez. Si tu veulx pauser a Glenans, pause a sept brasses ; et mectz la poincte de Pain Frait devers le suest.
L’Isle de Mouton et la Forchee de Pemmarc : noroest et suest.
L’Isle de Mouton et Pemmarc : est suest et oest noroest.
De Glenans au Foure, iras a l’oest ung quart de syroest pour doubler Pemmarc.
De Bellisle au Foure, si tu seille a quarante brasses, tu iras entour Sain.
Sache que entour la Basse de Glenans, y a .xl. brasses.
[47v]
La basse de Glenans et la Fourchee gisent noroest et suest.
Si tu es au Poinctaux de Pemmarc a .xlv. brasses, va a l’oest noroest ; et n’aye doubte de Sayn.
Le paux de Sayn est a douze brasses.
Sayn et Ayssent gisent nort noroest et su suest ; et prens du nort et du su.
Soubz Sayn a quarente et .v. brasses, par raison que le paux est trop hors ; sache que le paux a quarente cinq brasses est entre Sayn et Ayssent ; et a quarente brasses est trop pres de terre ; et y a grant courant. Mais aller a cinquante troys brasses, y a une veue. En la mer, sache que si vays a .xl. brasses, que tu ne crains rien Bretaigne.
CHAPITRE 35 – S’ensuyt la route de Bretaigne jusques en Flandres, le long de terre de Normandie et Picardie.
Sache que au Ras de Sayn, y a quinze brasses et beau sable.
Et du Ras a Sainct Mahé, va au nord ung quart au noroest ; et te demourra la Collere et les Moynnes destrebort.
Le Grant Estavenot et la Coullere : nort et su.
De Sainct Mahé au Four, va au nort noroest. Et tu lesseras la Vinatere, les Pourques de babort.
Si tu passe les chenaulx de nuyt, passe tout pres du Groignet du Conquet, tant comme auseras ; et n’aye paour de la Vinatere
La Vinatere et le Pourques : nort noroest et su suest.
Le Four et Porsal : nort nordest et su suest.
Poursal et l’Isle de Bas : est nordest et oest syroest
L’Isle de Bas et Sept Isles : est nordest et oest syroest.
Si tu veulx passer par le Ras de Briac de basse mer, mectz le [48r] Fasser qui y est hors du Mes de Giolle ung peu dehors du groing du pointaux qui est au su suest du mes qui a nom Mynerst la Horaynne ; et le Cap de Friolle est suest et oest noroest.
Le Cap de Friolle et Chousse : est et oest.
Qui veult entrer en l’Isle Melien par le chenal du su, il fault mectre le moustier a l’entree de l’isle qui est au meillieu du port.
L’Isle de Bas et Grenoise : nordest et syroest.
Rocquedoue et Grenoise : nort nordest et su syroest.
Grenoyse et Orne : nordest et syroest ; et prens de l’est et de l’oest.
Les Quasques et Orne : est suest et oest noroest.
Orne et Barflour gisent est et oest.
La Hocque et Barflour : est et oest ; et prens ung petit de noroest et suest, car le Pointaux de Barflour yst trop avant en mer.
Orne et Cherebourc : est suest et oest noroest.
Bareflour et Cul de Caux : est et oest ; et y a en la routte vingt et cinq brasses ; et iras querir la Hocgue bien pres des Isles Sainct Macol ; et garde toy des isles en icelle routte si tu pars de Chief de Caux.
Si tu es le travers du Poinctaux de Bareflour de nuyt, ne te aprouche point plus pres de vingt et huyt brasses ; et seras bien pres ; et y a beau sable.
De Bareflour a la Fousse de Coulleville, va a l’est suest ; et prens plus du suest.
Cul de Caulx et Antifer : nort et su.
Sache que il n’y a lieu qui aille tant hors comme les Quasques. Et, par ce, donne toy garde de luy.
De Antifer a Dyeppe : va a l’est nordest.
Et en Somme, va en l’est ung quart de nordest.
De Sordainnez en Foure, va en nort nordest jusques soye en la chenal par raison de la Basse de Guyssan et du Foqueroys de Gulliz. Et puis va a l’est nordest, si tu as montant ; et si tu as jusent, va en nordest ung quart de l’est.
[48v]
CHAPITRE 36 – S’ensuyt les cours des marees et comment elles gisent le long de la couste devers le su en toute l’Escluse en Flandres
Sache que en la Chenal Iresche vient le jusant de l’oest syroest.
Et si veulx aller a Baranchier Sainct Crist, va par le meilleu de la sablere de Sainct Mahé.
Et qui veult entrer en Bretaigne Baranchier, il fault, des qu’on sera le travers de la terre de Sainct Mahé, et de Sainct Mahé a aller au Four, porter Sainct Mahé decouvert dehors de la Poincte du Couquet pour les Basseres.
Et les esmes de Sainct Mahé a aller au Four sont une grande chappelle, sus laquelle y a une grosse croix a l’ung des pignons ; et est semblable a ceste figure :
[figure sans légende]
Dehors des isles, trouveras .xlv. brasses et menu perroys.
[49r]
Et sache que au Cap d’Aissent, y a lieu ou il y a cinquante troys brasses, que navire ny nef qui soit la ancree n’a nul bon temps ny abrys ny repoux, car les cours y sont merveilleux, impetueux et grans ; et tout le cours est au nort nordest d’Aissent.
Sache que, entre le Four et Plomegar, vient le montant du su siroest.
Sache que, entre le Four et Porsal, vient le jusent de l’est nordest.
De Porsal jusques a l’Isle de Bas, vient le jusent de l’est vers le nordest.
Au dos de l’Isle de Bas dehors, vient le jusent de l’est vers le suest.
A Sept Isles, vient le jusant de l’est suest.
A Briac, vient le jusant du suest vers l’est.
De la Houraigne jusques a Friolles, vient le jusant de suest.
Et a travers du Mays de Coullon, vient le jusant du suest sus l’est.
Au Dos de Grenoise dehors, vient le jusant de l’est suest.
Sache que entre Serf et Erf sont les Frieres ; et y a bonne chenal a qui la sçait.
Sache que entre Serf et Orne y a ung banc que l’on appele le Banc de Sarc ; et y a dessus neuf brasses et vient le montant du siroest et demy montant.
Et des Ornes a Bareflour, vient le jusant de l’est.
Et de Barefour aux Isleaux Sainct Marsault, vient le jusent du suest vers le su.
Et des Isleaux a Fousse de Coulleville, vient le jusant du suest.
Et si tu veulx pauser a Chercbourc, va pauser a six brasses ; et y a beau lieu ; et te viendra noroest du pointaux.
Et si pause a la Lugue, pause a six brasses ; et aura abris de nort et de nordest ; et te viendra nordest d(e)ssus les farraillons.
Et si tu veulx pauser a Cap de Caux, va soubz luy a six brasses ; et lors te demourront les Socquers destrebort, qui est pres du Cap de Caux.
[49v]
Et quant seras le travers du villaige de Cap de Caux, pause a sept brasses ; et te viendra nort a travers de la terre ; et auras abris de norest. Et si tu veulx entrer en l’avre, la prendras Lomen.
De Bareflour a Cap de Caux, vient le jusent de l’est suest ; et en la rouste a beau sable a trante et six brasses.
De Cap de Caux a Antifer, vient le jusent du nordest vers le nort.
De Antifer a Dieppe vient le jusent a l’est nordest.
Et (si) veulx pauser a haulte celle, pause a douze brasses ; et auras beau lieu ; et nort te viendra dessus le Cap du Poinctaux. Et si tu pause plus parfont que douze brasses, c’est rochier ; et pourras perdre tes ancres ; par ce, donne t’en de garde.
De Dieppe a Bouloingne vient le jusent du nordest ; et a la Fousse de Caeux, du nordest.
Et de Bouloingne au Poinctaux de Sordannes, vient le jusent du nort vers le nordest.
De Sordannes a Goutressent vient le jusent du nort vers le nordest.
De Gouterssent entour Gravelingue jusques a Ducarque, vient le jusent du nordest vers le nort.
De Ducarque a la Baye des Dugnes et jusques a Ostandes, vient le jusent du nordest vers l’est.
Et des Ostandez jusques a Blancque Verge, vient le jusent de l’est nordest et le plus devers le nordest.
Et des Blanque Vergue jusques a Saincte Catherine, vient le plus devers l’est.
CHAPITRE 37 – S’ensuyvent les entrees et gistes de la couste de Normandie.
Si tu veulx demourer et ancrer a Cheribourc, mectz ton ancre a .vi. brasses ; et tu trouveras beau fons ; et noroest te viendra du Pointal de Laval ; et te donne garde dudit pointal, car il y a dangier.
Si tu veulx gesir a la Hogue, mectz l’ancre dessoubz l’eglise a .xii. brasses.
Si tu veulx demourer a la Fousse de la Couleville, [50r] mectz l’ancre dehors a .vii. ou a .viii. brasses.
Si tu veulx gesir en la rade du Chief de Caux, mectz l’ancre a six brasses ; et la te viendra nort de la terre ; et n’auras point d’abry de nordest.
Si tu veulx pauser en radde de Dieppe, mectz l’ancre a sept brasses devant la ville.
Si veulx gesir au bas de Soubme, mectz l’ancre dehors Lobanes ; et garde que le monstier de Cayo te demure en l’est nordest ; et mectz ton ancre a six ou a sept brasses.
Si tu veulx aller dedans Porte haulte maree soubz toy, et prens les esmes outre le chasteau de Croytte ung petit hors de l’Ordelle ; et iras a deux brasses et demye ou a trois.
Si veulx demourer devant Estaples, mectz l’ancre a sept brasses ou a six.
Si veulx gesir devant Boulouigne, gis devant le Hauffre ; et mectz a huyt ou a six brasses.
Si tu veulx demourer devant Hurdrunes de vent d’amont, mectz l’ancre devant Ordecelles a dix ou a douze brasses ; et tu auras abris de nort qui te viendra de Hurdrenes ; et auras bon fons. Et si tu mectz l’ancre plus parfont, tu trouveras rochier maulvais fons, comme j’ay devant dit.
CHAPITRE 38 – S’ensuyvant les marees du Ras de Fontenaux jusques a l’Ecluse en Flandres devers le su.
Sache que en Ras de Sayn, la lune au suest ung quart a l’est, commencement de flaux.
A Sainct Mahé : la lune au suest, flaux.
Au Four : la lune au suest ung quart au su, flaux
A Breverac et a Porsal : la lune au suest, flaux
A Gouoyn : lune au suest ung quart au su, flaux.
Aux Convers de l’Isle de Bas : la lune au su, flaux ; et mainteffoys fault prendre ung quart de syroest de eaue morte.
Aux Convers : la lune au su, flaux ; et prens du syroest ; [50v] gattes demye maree entre Sainct Mahé et l’Isle de Bas.
A Sept Isle : la lune au su syroest, flaux.
Et des l’Isle de Bas jusques a Sainct Malo tout le long de la couste : la lune au su, flaux a terre.
A Chousse, a Grenoise, a Gerse, a Gart, a Arc et a la Rouse : la lune au su, flaux a terre.
A Roucquedoue : la lune au syroest ; et prens ung quart du su flaux.
A Grenoise dehors : la lune au su syroest, flaux.
A la Ferree : la lune au su syroest, flaux.
Entre Sarc et Orne, comme nous avons veu, y a ung banc que l’on appelle le Banc de Charc ; et y a dessus neuf brasses de plaine mer ; et frainct dessus de basse mer ; et ledict banc gist noroest et suest ; et le cours vient dessus du suest des my flaux jusques a my esbe.
Dehors Quasquet : la lune au syroest flaux
En Ras Blanchart : la lune au syroest ung quart a l’oest, flaux.
A la Hocque et a Orne a terre : la lune au siroest, flaux.
A Cheneborc : lune au su siroest, flaux a terre
A Bareflour a la Hacque et a la Barre de Vire : la lune au su syroest, flaux.
En Quattre Ras : la lune a l’est nordest, flaux
Du Chief de Chaux jusques a Dieppe : la lune a l’est nordest, flaux a terre.
A la Fousse de l’Eure : le plus des marees de l’an ; la lune au suest plainne mer et dehors d’Antiffer jusques au Ras de Soubme.
Aux Convers : la lune a l’est, basse mer.
En Soubme : la lune a l’est, flaux. Sache que en Soubme d’eaue morte et de vent d’amont, la lune au su suest plaine mer.
Et de la a Estapez, et des Estapez au havre de Bouloingne, [51r] et de Bouloigne jusques a l’Estalere de Tanet : la lune a l’est, commaincement flaux a la terre a l’est nordest.
Et dessus les Bancs de Flandres, le plus bas des marees, il convient que les marees soyent d’autre maniere entre Doultre Vinssent jusques a la Barre des Dunes : la lune au su suest, commencement de flaux.
Et de la Barre des Dugnes jusque a Ostandez : lune au suest ung quart au su, flaux.
Et des Ostandez jusques a Blancque Vergue : la lune au su suest, flaux.
Au tour de la ryve de Blancque Vergue : la lune a l’est suest, flaux a terre.
En l’Ecluse de Flandres : la lune au su, plainne mer.
CHAPITRE 39 – S’ensuyt comment les cours de marees du Ras de Sayn gisent jusques en Flandres devers Bretaigne
Sache que en la chenal des isles, vient l’esbe a l’oest syroest.
Et sache que a quarante brasses dehors des isles entre Moulenent, vient le jusent a l’oest syroest ; et porte bien montant aussi a l’ancontre de grant mer.
Sache que a la Boutere de Vinssant, en nort nordest de l’isle, a une sonde de quarante cinq brasses a cinquante ; et n’y aura point de cours ; et auras bon fons ; et ne seras point loing de terre plus d’une veue.
Sache que encontre les Rochiers de la Houcque, vient le flaux du su syroest.
Entre le Four et Breverac, vient l’esbe de l’est nordest.
Entre Breverac et l’Isle de Bas, vient l’esbe de l’est ; et prens ung quart du nordest.
En la couste de l’Isle de Bas a la Boutere de l’Isle d’Amant, vient l’esbe de l’est suest.
Dehors Sept Isles, vient l’esbe de l’est ; et prens du suest ; pareillement ainsi est dedans. Dehors Brehac, vient l’e[s]be de l’[e]st.
De Brehac jusques a Sainct Malo, vient l’esbe de l’est suest.
[51v]
Sache que entre Quasquet et Orne, vient le montant du su syroest jusques a demye maree.
Et des Orne jusques a Bareflour, vient l’esbe de l’est.
Et des Barflour iusques aux Isles Sainct Macol vient l’esbe du suest.
CHAPITRE 40 – S’ensuyvent les veues qui sont entre Chief de Boys et Flandres
Sache que de Chief de Boys a Chief de Cors, y a une veue
De Chief de Cors es Barges d’Olone, une veue.
Des Barges d’Olone a l’Isle d’Ieux, une veue.
De l’Isle d’Ieux a Bellisle, troys veues.
Des Bellisle a Groye, une veue.
Des Groye a Glenan, une veue.
De Glenan a Pemmarc : une veue.
De Pemmarc au Ras, neuf lieues.
De Chief de Boys au Ras Fontenaux, y a dix veues, et de lieues : .lxx. lieues.
Du Ras de Fontenaux a Sainct Mahé, une veue.
De Sainct Mahé au Four, une veue.
Du Four a Bregerac, une veue.
De Bregerac a l’Isle de Bas, une veue.
De l’Isle de Bas a Sept Isles, une veue.
De Sept Isles a Brehac, une veue.
De Brehac a Froulle, dix lieues.
De Froulle a Sainct Malo, quattre lieues.
De Sainct Malo a Chasaye, six lieues.
De Chasaye a Jarsaye, sept lieues.
De Jarsaye a la Hacque, huyt lieues.
De la Hacque a Bareflour, dix lieues.
De Bareflour a Cul de Caux, troys veues – Cul de Caulx est l’entree de Saynne.
De Cul de Caulx a Antifer, une veue.
De Antifer a Sainct Valeric de Caulx, une veue.
[52r]
De Sainct Valeric a Dieppe, une veue.
De Dieppe a l’entree de Crotay, une veue.
CHAPITRE 41 – S’ensuyt de Soubme.
De l’entree de Soubme jusques a Estaplez, une veue.
De Estaplez a Blannez, une veue.
De Blannez a Ducarque, une veue.
De Ducarque a Ostande, une veue.
De Ostande a l’Escluse, une veue.
CHAPITRE 42 – S’ensuyvent les veues de Sourlyngues et d’Angleterre jusques en Flandres
De Sourlyngues a Longues Chippes, y a une veue.
De Longue Chippes a Lessart, .viij. lieues.
De Lissart a Dodmen[6], une veue.
De Dodinen a Cap de Rame, une veue.
De Cap de Rame au Cap de Bieurres, une veue.
De Cap de Bieurre a Torres, une veue.
De Torres a Porlant, deux veues.
De Porlant a Sainct Anteulyne, qui est aval de la Poulle, une veue.
De Sainct Anteulyne a l’Isle d’Ouhic, dit les Aguillons, y a une veue – De l’Isle d’Ouhic, il te fault sçavoir qu’elle deure .v. lieues de long.
Et du bout d’amont de ladicte isle jusques a Blanchief, y a deux veues.
De Blanchief a Romenay, une veue.
De Romenay es Dugnes, une veue.
Du Destroit a Ducarque, une veue.
De Ducarque a Ostandez, une veue.
De Ostandez a l’Escluse, une veue.
CHAPITRE 43 – S’ensuyvent les marees du Cap de Cournoaille jusques en Galles, le long de la couste.
Au Cap de Cornoaille, la lune en l’est nordest, pleine mer ; et au su suest, basse mer.
A Padiston, lune en l’est ung quart de nordest, plainne mer.
[52v]
A Loudaye : lune a l’est, plainne mer ; et au su, basse mer.
A Caldaye : la lune en l’est ung quart de suest, plainne mer.
A Grashormes : lune en l’est suest, plainne mer.
Es Ramaises, a la Poincte de Cardigan : lune au suest, plainne mer.
A Nulleforde : lune en l’est suest, plainne mer.
A l’Isle de Fer, et l’Isle de Coulompz, et a Nasquyn Goualles : la lune en l’est suest, plaine mer.
En route de l’Isle de Magusique, es Mons de Galuaye : la lune au su suest, plainne mer.
Et par toute la routte et l’Isle de Man jusques a Erglas en avant et jusques en Escosse : la lune o su, plainne mer.
CHAPITRE 44 – S’ensuyt les plains des marees
Portemue, Blanchief, Sainct Vis : nort et su.
Vischenoise, a Romenays, Fontenaux, Sainct Mahé, au Four, an Breverac, a l’Isle de Bas, a Port Blanc : su et syroest.
A Grenoise, a Rocquedoe, a Quasquet, dehors a la Hague, a Orne, au Ras Blanchart, au Quattre Ras : noroest et suest.
[53r]
En Flandres, antour de Blancque Vergue, Espaigne, a Sorlingue, a Monsolle, a Fauvic, a Plemue, a Dartemue, an l’Ancreson de Porlans, a Porlans, an Saynne, aux Aguillons, au dos de l’Isle d’Ouhic : nort et su.
CHAPITRE 45 – S’ensuyvent les routtes et comment gisent les poinctes le long de la couste d’Angleterre devers le su.
Et premierement.
Sorlingues et Longues Chippes ou le Cap d’Angleterre gisent est nordest et oest siroest ; et prens le plus du nordest et du siroest.
Sorlingue et Lissart gisent est et oest. Et entre Sourlingues et Lissart, en la droicte routte, y a une basse de pierre qui est le travers de Monsolle ; et s’appelle la Rossee, et en breton Goulff, et elle paroist des demye maree, et qui part du Chief de Cornoaille ; il fault seigler et aller en l’est suest pour doubler Lissart, car ainsi gisent les deux terres.
Le Cap d’Angleterre ou Chippes et Lissart gisent est suest et oest noroest.
Lissart et Monsolle gisent suest et noroest.
Lissart et Dodmen, nordest et siroest ; et prens ung quart de l’est et un quart d’oest.
Lissart et la Pierre de Plemue, est nordest et oest siroest.
[53v]
Lissart et Gaudester, est et oest ; et prens ung quart de nordest et de siroest. Gaudester est aval Dartemue deux lieux. De Gaudester, va a l’est nordest ; et iras querir Porlans. De Gaudester, va a l’est ung quart de nordest, tu iras querir l’Isle d’Ouhic ; et passeras dehors Porlans quatre lieux.
Porlans et le Cap Saincte Alayne, est et oest.
L’Isle d’Ouhic et Beauchief, est et oest ; et prens de l’est en la mer et de l’oest en la terre.
Le Pointaux de Sainct Nonys qui est aval de la Poule, une lieux.
Et le poinctaux de l’Isle d’Ouhic devers l’oest, est suest et oest noroest.
Beauchief et le Poinctau de Romenay, est nordest et oest siroest ; et prens le plus de l’est et de l’oest.
Le Poinctau de Romenay et de Dovre, nordest et siroest.
Le Poinctau de Saincte Marguerite et Tenet, nort et su.
Tenet et Terre Vermeille, nort et su.
Tenet et la Coullere de Gernemue nort et su ; et prens ung quart du nordest et du siroest.
CHAPITRE 46 – S’ensuyvant les sondesque on trouve a venir de Lovant de Portingal, d’Espaigne, et d’autre part de la mer en fore a venir querir Angleterre, Normandie, Picardie, Flandres et le long de la coste de Bretaigne
Sache tout premier que en la coste de Flandres, n’y a lieu plus parfond que vingt brasses. Si tu sonde le travers de Nysport a vingt brasses, tu seras a une veue de terre. Et sache que la lune a l’oest siroest sera plaine mer.
Sache que entre Dovre et la Pointe de Sainct Gast, y a de mer basse .xxxv. brasses ; et de plaine mer trente huit, car elle espesse de trois brasses ; et sera la lune au siroest plaine mer ; et court le flaux au nort nordest ; et tu seras le plus devers Sainct Gast.
Sache que Douvre et le chasteau et la tour de Boulongne gisent nort noroest et su suest.
[54r]
Le chasteau, Douvre et la Poincte de Sainct Gast gisent noroest et suest.
Entre Vichenoisse et le Crotay, y a de .xxv. a trente brasses ; et en chenal, y a de .xxxv. a trente huit brasses.
Si tu sondes aval de Blanchief cinq lieux ou six, tu trouveras trente trois brasses de plaine mer ; et trouveras en ta sonde coqueail, c’est assavoir menuez rochettes plattez et grosses caillouches par my ; et le jusant porte a l’oest siroest.
Beauchief et Sainct Gast, est et oest.
Entre l’Isle d’Ouhic et la Houcque, y a de trente cinq a quarante brasses. Et sache que des la Houcque jusques au meilleu de la Chenal, est rochier. Et quant seras le plus devers Angleterre, trouveras beau sable ; et sauras de quelle part tu seras.
Et saches que devers Orne, y a faulse sonde, car pres de luy y a .lx. brasses.
En noroest de Grenoise, a la veue, y a soixante et dix brasses ; et, par ce, est il faulse sonde.
Et devers Angleterre en Chenal, trouveras soixante cinq brasses.
Grenoise gist nort et su ; et est rond devers l’est a qui est hors.
A la veue de Porlans, y a trente cinq brasses et beau sable.
Entre Orne et Sept Isles, y a en chenal cinquante trois brasses.
Entre l’Isle de Bas et Fauvic y a cinquante huit brasses.
Sache que entre le Four et Lissart, y a en chenal cinquante huit brasses.
Et sache que des le Four, n’y a lieu ou il y ait soixante brasses, sinon soubz Poursal.
Entre Ayssant et le Cap d’Angleterre, y a en chenal soixante et dix brasses.
Et sache que au Cap d’Angleterre, au pié de luy, y a cinquante brasses.
[54v]
Au pie de Lissart, y a quarente cinq brasses.
Sache que Lissart se fait deux pointaux et deux farraillons ; et est le[7] plus parfont lieu de Cornoaille.
Et sache que si tu va a Goudester de nuyt, ne te aprouche point plus pres de terre de quarente brasses si ne veoy bien ton bon, car tu doibz sçavoir que a la Pierre de Plemue, y a trente brasses ; et de poincte a poincte y a trente brasses ; et, par ce, s’il advient que tu pause, ne pause point a moins de trente cinq brasses a .xxxviii. ; et seras dedans le pointaux dehors du cours.
Si sonde le travers du Cap de Sorlingue, en su de luy a soixante brasses, tu trouveras sable blanc menu comme orologe ; et en y a par my qui est plat et long comme balle d’orge ; et tu ne seras point plus loing de terre de dix a douze brasses.
Sache que si tu viens de la mer en fore a querir Oyssant ou Lissart, en la routte a cent ou a quattre vingts et dix brasses, tu trouveras sonde grosse ; et seras de la part de Sayn environ .xx. lieues ; et trouveras en ceste routte a quattre .xx. brasses couquille comme de sainct jaques et coupz ou plomb. Et en ceste routte, prens du nort tant que tu change ta sonde. Et si tu es a soixante ou a .lxv. brasses, tu trouveras sablon menu meslé de vermeil ; et seras a cousté de Oyssant. Et si tu a temps et jour, va le querir au nordest ; et seras entour de dix lieues de l’isle. Et si tu viens faisans ta routte entour la Basse Frede, tu trouveras sablon gros vermeil et roux ; et trouveras de sonde quarente brasses.
Sache que si tu es devers le Banc de Sorlingue, tu trouveras quatre vingts cinq brasses ou quattre vingts et dix ; et trouveras au plomb comme coulleur de vase.
Sache que tu feras grant seiglaige quant seras devers le Banc de Sorlingue. Et si tu es a quattre vingts, tu trouveras sablon menu blanc et noir ; et soye certain que tu seras le travers de [55r] Lissart. Entre le Chief de Cornoaille et Oyssant, trouveras en chenal .lxx. brasses et assés pres du chief.
Entre Dodmen et le Four, trouveras en chenal .lx. brasses. Et si tu es a travers de Plemue ou de Bodesteurs, tu trouveras sablon gros roux et coupz dedans le sief ; et trouveras de sonde quarente une ou quarente et deux brasses.
A la veue de Porlans, trouveras .xxxv. brasses et menu perroys. Et si tu es pres de Porlans, tu trouveras .xxx. brasses et pierres comme febves en ceste sonde ; et te durera jusques a Sainct Antealine. Si tu es es brasses susdictes, tu trouveras une pierre blanche en figure des alenes rompues et aultres plus grandes ; lors tu seras a travers Sainct Antealine ou a travers l’Isle d’Ouhic ; et de la va a l’est pour toy garder de la cité de Veille.
A deux ou a troys lieues de l’Isle d’Ouhic, trouveras .xxv. brasses et a coups et taillades ou sief comme fil dougé.
A deux lieues ou a troys de Quasquet, trouveras soixante brasses et grosses pierres noires et rougneuses.
Entre l’Isle d’Ouhic et la Houcque, ou plus parfont, ne trouveras que .xxxv. ou quarente brasses.
Entre l’Isle d’Ouhic et Antifer, au plus parfont, ne trouveras que vingt et cinq ou trente brasses.
Entre Forlagues et Soubme, en plus parfont, ne trouveras que vingt ou trente brasses.
Entre Foucquestant et Bouloingne, y a ung banc qui s’appelle la Rippe Rappe ; et est par my la routte tant pres de Picardie comme d’Angleterre ; et trouveras bort a bort de luy .xxv. ou .xxvii. brasses.
Dessoubz le Chasteau d’Ouffre, trouveras dix brasses.
A l’Estricte de Calays, trouveras. xxv. brasses.
Entre Calays et Tanet, trouveras .xxv. brasses.
En la Radde de Calays, y a .xvi. brasses.
En toute la couste de Flandres, comme ay ja dit dessus, ne trouveras que vingt brasses.
[55v]
CHAPITRE 47 – S’ensuyvent les congnoissances et merques des terres de l’Escluse en Flandres et aussi de la coste d’Angleterre.
Et premierement.
Si tu viens de la mer en fore querir les chenaux de Flandres et tu soye le travers de Nysport, a dix huit brasses ou a vingt, tu seras a une veue de terre. Et tu voirras une terre qui te semblera estre une isle ; et se monstrera par trois bosses ; et est le plus hault lieu de toute icelle coste ; et sera la terre de Nysport, car elle est la plus haulte. Et en l’hault d’elle, y a une eglise ; et devers l’oest, une autre. Et cella est la meilleure congnoissance de Flandres. Et y a de la auprés une veue.
Si tu es dehors des Bancs de Flandres et tu veulz entrer dedans et aller dedans l’Escluse, va tant avant que tu ayez le clochier de l’eglise par my le foucqueroys, qui est sus la coste, qui semble estre ung columbier ou fuye. Et quant auras l’un par my l’autre, mectz le clochier de Saincte Katherine, qui est le prochain clochier de l’antree de l’Escluse devers l’oest.
Amprés, y a ung clochier poinctu et dougié que voirras en terre entre Saincte Katherine et la ville de l’Escluse, le plus pres clochier de Saincte Katherine – et icelle eglise a nom Saincte Anne. Mectz ces deux clochiers a ouvert l’ung de l’autre la largeur d’ung tref ; et que celuy de Saincte Katherine soit devers l’oest ; et sera par my ung gros puys de sable, ou il y a une pierre blanche dessus la choitte du gros dudit puys devers l’oest. Et quant seras icelles esmes, va sus terre a la sonde ; et iras sus l’est suest ; et ne bouge point cestes esmes, savoir est les deux clochiers ouvers l’un de l’autre, et celuy de Saincte Katherine par my la pierre du sable ; et va ainsi jusques aye une grosse tour qui est devers le siroest en terre ouverte devers l’est suest du clochier de Heys ; et que voye la clarté entre les deux la largeur d’un tref ; et ne trouveras point moins de quatre brasses ou de cinq.
[56r]
Et quant seras a icel[l]es esmes, savoir est la tour ouverte de Heys la largeur d’un tref, va sus l’est ung quart de nordest ; et sonde souvent ; et te garde du laupyn, car il est roiste.
Si tu es en l’Escluse de Flandres et tu veille venir dehors, des que tu auras doublé la Poincte de Saincte Katherine qui est devers le su pour venir le long du banc, et pour toy garder de luy, mectz une tour que voirras au travers de l’Isle de Gayen, a la poincte de l’isle devers le suest, qui est la tour de Couquesydre, mectz icelle tour a ouvert du prochain moulin qui sera pres de la tour la largueur d’un navyre ; et que la tour soit devers le su siroest la largeur d’ung navyre, jusques aye apporté une autre tour qui est par le meilieu de l’Isle de Gayen par my ung village ; et sera la tour par my la Poincte de l’Escluse devers Saincte Katherine. Et puis va sus l’oest ung quart de siroest ; et sonde souvant jusques aye le clochier de Saincte Anne qui est le prochain clochier de la ville de l’Escluse en venant vers la mer et est bien dougié par my le coing de l’eglise de Saincte Katherine ; ou bien mectz a ouvert les deux clochiers l’un de l’autre la largeur d’un tref ; et que iceluy de Saincte Katherine soit devers l’oest ; et sera par my ung gros puys de sable couvert de dureausme, ou il y a une paree blanche a la choitte dudit puys et est ladite paree toute blanche. Et puis voirras une grosse tour qui est en terre devers le siroest ouverte du clochier de Heys qui est aval de Saincte Katherine ; et fault laisser ledit clochier devers l’oest la largeur d’un tref. Et quant seras icelles esmes, mectz le cap sur la mer, car tu es en bon chenal ; et ne bouge point les deux clochiers ouvers l’un de l’autre, savoir est celluy de Saincte Anne et celuy de Saincte Katherine[8] ; et va ainsi ; et ne trouveras point moins de quatre ou cinq brasses ; et iras sus l’oest noroest ; et n’aye paour ; et va celle routte jusques aye le clochier de Heys par my le [56v] fougeroys que voyrras, qui est su la couste, qui est comme ung collombier ; et seras dehors des bancs ; et va sus l’oest jusques soye a douze brasses. Et quant seras a dix ou a douze brasses des bancs, va sus l’oest siroest ; et iras le destroict ; et ne couvoiste point l’oest pour paour de Gaudoyn.
En nort noroest de Ducarque, y a ung banc qui gist nordest et siroest ; et dure deux grans lieues de long ; et n’y a dessus de maligne que deux brasses et demye ou troys de grans eaues ; et il est bien a troys lieues de terre. Et en mer de luy, y a treze brasses ou quatorze de parfont. Et en terre de luy y a huyt ou neuf brasses. Et a nom ledit banc de Mardit.
CHAPITRE 48 – S’ensuyt du Destroict
Sache que la Poincte des Dugnes est une poincte qui est blanche terre ; et est entaillee dessus par lieux de terre noyre ; et est la plus dougee par le dessus du bout devers l’est nordest. Et au bas d’icelle poincte, voyrras ung chasteau qui est sus le plus hault de ladite poincte ; et est devers l’oest. Et au bas d’icelluy chasteau, pres de luy, voyrras une boye noire, ou il y a ung petit havre qui a nom Dovre. Et ou bas d’icelle boye, voirras la terre blanche et dessus toute esgalle et plange.
Si tu pause es Dugnes, pause a. v. brasses.
Si tu pause a Saincte Margarite, pause a six brasses.
Si tu pause es Dugnes et tu veille aller amont, il fault que aille sus le su suest, pour toy garder de Gaudoyn, jusques soye my voye de la Poincte des Dugnes et d’icelles bannes qui font le Destroict. Et puys va sus l’est nordest ; et te demourra Gaudoyn devers le nort destrebort.
Au bas de Dovre, y a une aboye que l’on appelle Foucquestan. Et en su suest de luy, y a ung banc que l’on appelle le Banc de Foucquestan ; et y a dessus troys brasses et demye de basse mer ; et est entre Dovre et Bouloigne ; et y a devers Bouloigne .xxvii. brasses. et devers Angleterre .xxv.
[57r]
Si tu pause a Romenay, pause a dix brasses et auras abris d’oest et siroest. Sache que il y a ung banc ; et dedans le banc, y a six brasses de basse mer et de maligne. Et sus ledit banc, y a une brasse et demye. Romenay est bien haulte poincte. Et en l’hault de luy, y a une basse terre pres de la mer, qui se monstre comme ung banc ; et est par bosses et bien long et poinctu de l’un des boutz, ainsy comme ceste figure.
[Figure « Le Banc. »]
Si tu veulx entrer a Vichenoise, aye tiers de maree ; et te garde du pointaux de babort ; et voirras le clochier de la ville. Passe celle boye, car dedans est trop estroit.
Si tu veulx pauser a Blanc Chief, va pauser a dix brasses ; et auras abris de oest et siroest. Blanchief est ung cap a qui vient d’aval qui se monstre estre tout ront devers le suest ; et vait en appoinctant devers bas. Et au bas de luy y a une sante de terre. Et Blanchief est de telle figure comme ceste cy aprés.
[57v]
[figure « Blanchief »]
Si tu veulx antrer a Porteume, prens merques au clochier et a sept houstaulx blancs qui sont au chief du poinctaux devers le suest.
Si veulx pauser a Saincte Alaynne, pause a sept brasses, car le poinctaux est trop hors.
Amont de l’Isle d’Ouhic bien trois lieux, y a banc de rochier qui a bien deux lieux de long de terre a la mer ; et est le travers d’un clochier ; et l’on l’appelle le Banc de la Veille Cité.
Si tu veulx issir devers Saincte Alaynne, va sus le su suest. Et s’il est montant, va sus l’est jusques a treze brasses.
La figure de l’Isle d’Ouhic est comme ceste cy
[figure « L’Isle d’Ouhic »]
[58r]
Si veulx antrer par les Aguilles, va soubz elles ; et pres d’elles a sept brasses ; et il y a une basse qui te demourra destrebort ; et est la merque a travers du moulin. Et quant seras dedans le pointaux qui est devers le certain, pause a six brasses. Et quant seras le dedans les deux poinctes, va a contre Porteume jusques tu veoyes la ville d’Autonne et jusques tu soyes le travers de la boye de l’isle. Et quant seras a la poincte qui est pres de la desme de l’Isle d’Ouhic, va tout le long de l’isle ung peu dehors jusques aux Aguilles.
Si tu veux aller a Autonne, va pres de Houbre ou si veulx aller et antrer devers la ville, quant seras le travers du Pointaux de Vichenoyse, va devers l’oest, car la poincte va trop chief en chenaux.
Si veulx aller a la Poulle, va tant avant Pierre Persee. Et puys pause a six brasses.
Si pause a Sainct Nony, qui est une ance qui est aval de la Poulle, qui est une eglise qui est fondee de la troute, et y a une tour sus l’eglise qui est carree – et d’icelle ance a la Poincte de la Poulle, y a bien deux lieues.
Si tu veulx pauser en icelle ance que l’on appelle Souny, pause a cinq brasses ; et mectz une croix qui est sus la poincte devers le su par my une pierre blanche qui est sus la poincte ; et seras en bon paux ; et pause a cinq brasses, tu auras abrys de su, de siroest, de oest, de noroest et de nort ; et te viendra nort nordest dessus la poincte et su suest dessus l’autre poincte ; et te garde de celle du suest, car elle gist hors ; et te demourra l’Isle d’Ouhic a l’est suest.
Si tu veulx aller a Sainct Nony, a l’Isle d’Ouhic garde toy du banc qui est en terre de l’isle. Et pour toy garder de luy, cours sus le su suest, jusques mectez la grosse poincte noyre qui est en l’Isle d’Ouhic devers le nort ; qu’elle soit ouverte devers le su de la grosse poincte blanche qui est aval de la noyre ; et puys va hardiment contre la poincte.
[58v]
Aval de Sony, y a une grosse poincte que l’on appelle Saincte Estellyne, qui est la plus haulte devers bas ; et est roitte ; et va en appoinctant en amont ; et est terre blanche. A qui est le travers d’elle, elle se monstre estre une isle. Et d’icelle poincte a l’Isle d’Ouhic, y a une veue. Et d’icelle poincte de Saincte Estallyne a Porlans, y a une veue
Si tu viens de la mer en fore et tu aterres le travers de Porlans, Porlans est une isle qui est court isle ; et gist est nordest et oest syroest ; et est terre noire ; et est hault devers l’oest et roitte ; et devers l’est est poinctu. Et si es pres de terre a une lieux ou demye, il se monstrera estre le plus hault devers l’est nordest. Porlans est une isle qui est sain jusques a bort de terre, jusques au gist d’un pain contre terre ; et te garde du Ras de Porlans, car il est perileux et est le plus fort au bout d’amont devers l’est nordest. Porlans est d’itelle figure.
[figure « Porlans »]
Si tu veulx passer le Ras de Porlans, passe pres de terre bort a bort, car il y a le moins de courans ou passe bien a troys lieues de terre hors en mer, car tu ne trouveras pas si grans courans.
Si tu veulx pauser a l’abris de l’Isle de Porlans, pause a dix brasses ; et te demourra la poincte de l’isle au suest ; et auras abrys de suest, de su, de syroest, de oest, et noroest ; et te viendra le [59r] nort dessus la terre. Et la prochainne poincte que voyrras en terre en nort noroest, c’est la Poincte de Ayemue.
Si tu veulx pauser devant Ayemue, pause le travers de la poincte ; il y a dessus la poincte ou il y a une croix dessus ; et voyrras une tour en terre qui te demourra devers le su siroest de la poincte. Et devers le noroest, tu voyrras la ville et seras en bon lieu pour pauser ; et y a six brasses et gros sable et dessoubz l’isle est vase.
Si tu as ung navire de brasse et tu veulx aller dedans la poincte, devers le noroest, a la prochainne ance de la poincte que voyrras en allant dedans a l’oest, il y a tousjours brasse d’eaue ; tu seras a l’abris de tous temps, si non de nort ; mais tu pourras antrer dedans Ayemue, car tu seras a bort de l’antree ; et y a dedans bon lieu. Ayemue est havre de maree ; et y a dedans bon lieu de tous temps ; et seras tousjours a flot.
Aval de Porlans, y a une boye que l’on appelle la Boye de Irestre. A qui aterret dedans, elle est mauvaise a esparer de vent de mer.
Si tu atterre le travers de Stort ou de Lym qui est amont d’Artumue, tu voyrras la terre tranchee par cinq ou par six lieux, comme cinq monceaulx de sel. Et aval des tranchees, la terre est rouge. Et en amont de ces tranchees, voyrras une montaigne ronde et forchue pour dessus. Et aval de ces tranchees, voyrras une grant boye en terre. Et en amont d’icelle boye, voyrras une terre qui se monstre comme deux isles et pres l’ung de l’autre ; et le plus amont est ront devers le syroest ; et voyrras ceste terre quant seras amont d’Artemue.
La prouchainne poincte que voyrras amont d’Artemue, c’est Lym et la plus dougee devers le nordest et roiste ; et y a bon abrys de vent d’aval des le suest jusques au nordest.
D’Artemue a Gaudester, y a deux lieues.
Gaudester se monstre ung cap long et gros et roiste devers [59v] le siroest ; et dessus est tour plange et hault devers le siroest ; et est terre noire comme ceste figure :
[figure « Gaudester »]
Gaudester, a qui est pres de luy en l’hault, il est entaillé dessus le plus pres de la poincte en venant au bas vers la mer. Et au dehors de la poincte, y a une pierre ; donne bon ryn a la poincte.
De Gaudester, va au nort nordest, tu iras querir l’antree d’Artemue.
Antre Gaudester et d’Artemue, y a ung banc qui est bien long et frainct de mauvais temps ; mes il y a bonne passee en terre a tous navires. Si tu passes en terre, passe pres du Poinctaux de Goudester ; et va tout le long de terre, car elle est bien saynne.
Aval de Gaudester, y a une grousse poincte de terre noire que l’on appelle Boult et qui est en amont d’icelle poincte. Elle se monstre fourchue sus le bout devers la mer ; et est toute roitte ; et semble a ceste figure si amprés :
[figure « Boult »]
[60r]
Entre ceste poincte de Boult et Gaudester, y a deux lieux. Et entre les deux, y a ung banc qui est le travers des deux poinctes. Et au dedans du banc, y a ung rade. Et si tu veulx aller pauser dedans, range la Poincte de Boult, car l’antree y est pres. Et ladite Poincte de Boult est bien saynne dehors, mais dedans y a une pierre ; donne toy garde d’elle quant seras dedans la Poincte de Gaudester.
De Goudester au Four y a sept veues ; et gisent nor nordest et su siroest.
Plemue
[figure « Plemue. »]
La prochaine poincte que voirras aval de Boult, c’est la Poincte de Plemue. Si tu veulx entrer en Plemue, va tout droit le cap sus.
Si tu veulx aller a la Chenal Platine qui est devers l’est, va pres du poinctaux de babort, car destrebort est trop soubme.
Sy tu veulx aller a la Chenal d’Octembre, donne ryn au cap de l’isle devers l’est ; et puis va avant soubz la maison au chenallier jusque aye la chenal ouverte. Et quant auras la chenal ouverte, va sus par le meilleu. Et quant le poinctaux qui demeure destrebort sera ariere du travers, va avant Sainct Patrot ; et iras pres du Fasser qui demeure destrebort.
[figure « Fauvic. »]
La Pierre de Plemue est a troys lieues de terre.
[60v]
[figure « La Pierre de Plemue »]
Si tu veux entrer en Fauvyc, va sus Sainct Saulveur. Et puys va devant le poinctaux qui demoure destrebort, qui est dedans. Mais il te fault tiers de maree quant seras dedans le poinctaux pour aller devant la ville.
Si tu veulx antrer a Salemue, laisse la basse de quelle part que tu vouldras. Mais devers l’est est le plus large. Et le premier tour que tu voyrras de la chenal est perilleux ; et te demourra destrebort. Mais va hardiment le cap su le chenal. Et tu auras mestier de demy quart de maree pour passer le banc. Et il y aura en paux deux brasses et demye de maligne.
Si tu veulx pauser a Monsoulle, va pres du grant mont de terre a six brasses. Et seras en beau lieu, car a sept brasses est rochier.
CHAPITRE 49 – S’ensuyvent les veues qui sont entre la Couste d’Angleterre, de Picardie, de Normandie et de Bretaigne.
De Dovre a la tour de Boulloygne, six lieues.
De Dovre au Radde de Sainct Jehan, qui est entre Bouloygne et Sainct Vincent, cinq veues.
De Frelaquez a Sainct Nicolas de Haulte Couste, troys veues.
De Cap de Caux a Saincte Alayne, cinq veues.
De Bareflour a Saincte Alaynne, troys veues.
De Barflour a Porlans, cinq petites veues.
De Quasquet a Porlans, troys veues.
[1] cheste
[2] momme
[3] quantre
[4] chesmuolin
[5] qunat
[6] Dodinen
[7] lu
[8] Imprimé Latherine
