[81a]
33960 Et le bien demourer amont.
33961 Devant Dieu qui est cler et pur,
33962 Le mal qui est lait et obscur
33963 Et tenebreux sur toute rien,
33964 Descent aval et laist le bien,
33965 Ainsi le convient par nature,
33966 Ainsi comme on voit de l’ordure
33967 Du vin lye qu’est ou tonnel
33968 Que le lait se depart du bel,
33969 Si qu’en hault demeure li bons
33970 Et la lye demeure au fons.
33971 Et quant le bien plus s’esclarcist.
33972 Le mal et tant plus s’obscursist ?
33973 Cil mal est en enfer toudis.
33974 Tant que Dieu est en Paradis,
33975 Tous bons et tous biens enlumine
33976 Sans definir et sans termine.
33977 Dieu si poeut tout faire et deffaire
33978 Sans rien muer de son affaire
33979 Car il poeut tout quanques il voeult.
33980 Nulle riens en lui ne se moeult,
33981 Estables est et sans mouvement.
33982 De lui sont tous biens vraiement,
33983 De ça aval ou la amont
33984 Et ceulx qui en Paradis sont
33985 Dont le meure qui la demeure
33986 Si a plus de bien en une heure.
33987 Joye, honneur, deduit et soulas,
33988 Dont il ne sera jamais las,
33989 Que nullui penser ne porroit
33990 En dix mil ans se tant vivoit
33991 Le plus subtil qui oncquez fust
33992 Et pensast le mieulx que il[1] peust.
33993 De celle glore est Dieu tout sire,
33994 Comme Dieu qui le voulroit dire,
33995 Car tout fait quancquez fust et ert
[81b]
33996 Et tout quancques a lui affiert.
33997 Oncquez nul bien ne lui failli,
33998 Toudis les a tout devant lui.
33999 Oncques bien fu, ne ja n’yert fais
34000 Qui ne soit devant lui portrais,
34001 Avant que le monde feïst.
34002 Or entens comment il le fist.
34003 Je suis prestre, si doy sçavoir
34004 De ceste matere le voir.
34005 Dieu fist le monde a son volloir
34006 Pour ce qu[e] il peüst avoir
34007 Aucune rien qui telle fuist
34008 Que ses biens desservir peuïst,
34009 Se il ne perissoit en lui.
34010 Et pour ce le monde establi,
34011 Non pour ce que mieulx lui en fust,
34012 Ne que nul mestier en eüst,
34013 Mais il le fist par charité
34014 Et par grant debonnaireté
34015 Qu’il voult le sires qu’autre riens
34016 Partist a lui et a ses biens,
34017 Et que toute aultre creature,
34018 Chascune selon sa nature.
34019 De sa poissance se sentist
34020 Selon ce qu’il appartenist,
34021 Pour ce voulans nous establir
34022 Que tel chose en peüst issir,
34023 Qui peüst entendre et sçavoir
34024 La noblesse de son pooir,
34025 De la pacïence et du bien
34026 Qu’il fist pour homme crestïen
34027 Et que se il le voeult servir
34028 Que a droit peüst desservir
34029 Les biens qu’il avoit fait pour lui.
34030 Si devons donc amer cellui
34031 Qui nous fist en bon gré sçavoir
34032 Quant il nous donna tel pooir
[81c]
34033 Et se nous amer le voullons
34034 De ses biens seigneurz nous serons
34035 Et se perdiesmes tous ses biens
34036 Ja pour ce ne l’en seroit riens.
34037 Dieu forma homme a sa semblance
34038 Pour ce qu’il eüst ramenbrance
34039 De lui et que ses biens eüst
34040 Et que desservir les peüst
34041 Par droit comme son heritage.
34042 Pour ce qu’il est fait a s’ymage,
34043 Et pour ce que mieulx nous amast,
34044 Quant il sa forme regardast,
34045 Dessus toute aultre crëature,
34046 Doit Dieu mieulx amer sa faiture.
34047 Et lui donna naturelment
34048 Le plus gentil entendement
34049 De lui servir et honnorer
34050 Que toute riens qu’il voit crëer,
34051 Pour ce qu’il peüst a ses biens
34052 Partir plus que nul autre riens.
34053 Ne fait a Dieu point de bonté
34054 Ne bien fait pour avoir son gré,
34055 Car son bien fait plus que l’autrui,
34056 Car tout le bien en vient a lui.
34057 Pour ce, fait il bon Dieu amer
34058 Et monlt se doit chetif clamer
34059 Qui par sa folie dessert,
34060 Qui ceste haulte joye pert.
34061 Qui qui bien fait tant a honneur
34062 Que les angles sont leur seigneur,
34063 Devant le grant Roy couronné.
34064 Lors se poeut tenir bien euré,
34065 Bien tost poeut homs gagnier ou perdre
34066 Ou quel qu’il voeult se poeut aerdre.
34067 Dieu donna a homme pooir
34068 Que il fesist a son voloir
34069 Bien ou mal, lequel qu’il lui plaist,
[81d]
34070 Car s’il eüst homme tel fait
34071 Que de son pooir ne peüst
34072 Faire mal quant il lui pleüst,
34073 Et aussi ou voulsist ou non,
34074 Fesist bien ou mal sans raison,
34075 Car ce ne fut mie par lui
34076 Que bien fesist, mais pour aultrui
34077 Qui l’en eüst entalenté
34078 A force et donné voulenté.
34079 Et cil par qui il le fesist
34080 Se gueredon en desservist
34081 Non pas il, car petit dessert
34082 Qui par force l’autrui ne sert.
34083 Se Dieu a les angles telz faitz
34084 Qu’ilz ne puissent faire mal fais
34085 Ne pechié nul, ja cy hault don
34086 Ne deservira que ly hom,
34087 Mais qui vouldroit bien desservir,
34088 Il doit tresvolentiers servir
34089 De droit desir et par amour
34090 Pour acquerre si hault honnour.
34091 Si vault Dieu que homme tel fust
34092 Que par droit desservir peüst
34093 Autant de bien en son endroit
34094 Com il meïsmes de son droit,
34095 Et pour ce n’apetice mie
34096 Ne ses biens ne sa noble vye.
34097 Et lui donna nature et sens
34098 De vëoir, sentir en tous sens,
34099 Et pour ung bien cent en avra,
34100 Ainsi du mal avoir devra.
34101 Pour despisans sera compté
34102 Qui ne fera nulle bonté,
34103 Non pas bien faire par doubtance,
34104 Car je sçay par ceste sentence.
34105 Qui pour paour d’enfer attraire
34106 Se garde de tous pechiez faire,
[82a]
34107 Et le pechié de cœur fesist
34108 S’il sceüt que Dieu nel veïst,
34109 Et pour pechié voit en enfers,
34110 Je le tiens trop au deable serfz.
34111 Povre est qui n’atient de pechier
34112 En l’honneur du vray justicier,
34113 Car se tout le mond se dampnoit
34114 Ja pour ce Dieu riens n’y perdroit
34115 Ne biens qu’il ait en poesté
34116 Se tous les biens qui ont esté
34117 Au monde et qui mis y seront
34118 Ne eüssent nul mal au mond
34119 Et qu’ilz perdus fussent trestuit
34120 Pour ce Dieu n’aroit moins deduit
34121 Ne riens du sien n’en vaulroit pis
34122 Ne bien qui soit en Paradis.
34123 Mais les sains furent preu et sage,
34124 Bien sceurent prendre bon usage
34125 Et apperchurent monlt tresbien
34126 Que cil monde ne valoit rien.
34127 Si poeut on vëoir propprement
34128 Que se Dieu meïsme ne ment,
34129 Et verité fausseté n’est,
34130 Que tous [a] cui le monde plaist
34131 Et qui le los du monde acoeullent,
34132 Ne poeut estre qu’ilz ne se doeullent.
34133 Et pour ce que chascun sceüst
34134 Et la scïence en lui eüst
34135 Comment il se doit gouverner
34136 Et quel part pouroit retourner
34137 Pour sçavoir pourquoy et comment,
34138 Qui fut arrier, qui fut avant,
34139 Pour discuter, pour desclairier,
34140 Pour toudis avoir repairier,
34141 Pour bien vivre et pour bien finir,
34142 Pour toudis bon sentier tenir,
34143 Vault Dieu entre ses generaulx
[82b]
34144 Metre sept ars especïaulx.
34145 Pluseurs ars sont ou mond cha jus,
34146 Mais ces sept si sont par dessus.
34147 Ceulx qui la verité suiront,
34148 Par ces sept ars ilz le sçaront.
34149 Par Dieu, tu le scez bien, Regnart,
34150 S’i voulsisses mettre ton art.
34151 Les grans clers les ont bien apris,
34152 Mais ilz sont si de ton art pris
34153 Que les sept ars tout sont laissiés
34154 Et au tien se sont abbaissiés.
34155 Avarice ont pris et luxure,
34156 Mais de ce n’ont les sept ars cure.
34157 Jeremies establi grammaire
34158 Pour nourrir, ourdir et attraire,
34159 Et puis logique pour prouver
34160 Le voir et le faulx demonstrer.
34161 Aprez retoricque trouverent
34162 Pour droiture que monlt amerent,
34163 Et puis arimestique aprez
34164 Pour estre ez chosez plus discrez.
34165 Puis trouverent gëometrie
34166 Pour mesurer toute maistrie,
34167 Et puis musicque, la scïence
34168 Qui met ez choses concordance.
34169 Derriere n’oublie Dieu mie
34170 La tresnoble astronomie.
34171 Pour ceste furent esmeü
34172 Les bons preudommes esleü.
34173 Oyez des sept ars la maniere
34174
34175 Combien que tu bien le sçaroies,
34176 Se ta cure bien y mettoies,
34177 La premeraine des sept ars
34178 Dont il n’est point sceü le quars,
34179 Au temps d’ore si est Grammaire
34180 Sans qui aultre art ne vault gaires,
[82c]
34181 Qui de clergie voeult apprendre.
34182 Car peu se poeut sans lui entendre.
34183 Grammaire si est fondement
34184 De clergie et commencement.
34185 Ce est la porte de scïence
34186 Par quoy homs vient a sapïence.
34187 C’est la scïence, c’est l’escole
34188 Qui aprent a former parole,
34189 Soit en latin, soit en rommant
34190 Et en tous langages parlant.
34191 Qui bien sçaroit toute grammaire,
34192 Toute parole sçaroit faire.
34193 Par parole fist Dieu le monde
34194 Par sa parole monlt tresmonde.
34195 Le second art si est Logique
34196 Qu’on apelle dïaleticque.
34197 C’est cil qui preuve voir et faux,
34198 Par quoy on congnoist bien et max[2],
34199 Qui bien sçaroit logicque toute,
34200 Bien et mal prouveroit sans doubte.
34201 Par bien fu creé Paradis
34202 Et par mal enfer establis.
34203 La tierce Retoricque a nom,
34204 Qui est droiture de raison
34205 Et ordonnance de parole,
34206 Qu’elle[3] ne soit tenue pour folle.
34207 De ceste sont les drois atrais,
34208 Par quoy les jugemens sont fais
34209 Et forjuré les choses males.
34210 De ceste sont les Decretales
34211 Attraites et decrez et loix.
34212 Cest[e] congnoit et tort et drois.
34213 Par tort faire est honneur perdu,
34214 Et droiture nourrit vertu.
34215 La quarte[4] est Arismetique
34216 Qui vient aprez la Retoricque,
34217 Et en my les sept ars est mise,
34218 Car sans lui ne poeut est[re] aprise
[82d]
34219 Nulz des sept ars parfaitement
34220 Ne sceüt[5] entïerement,
34221 Devant que on sache cest art,
34222 Dont les aultres y prendent part
34223 Ne poeuent [y] estre sans my.[6]
34224 Pour ce fut elle mise en my.
34225 Les sept ars tous de celle tiennent
34226 Et de lui les aultres tous viennent.
34227 De ces aultres ars me tairay.
34228 D’Astronomie compteray.
34229 Ceste enseigne[7] par enquerre
34230 Des choses du ciel et de terre
34231 Qui par nature y sont faites,
34232 Ne ja si loing ne seront traittes.
34233 Qui Astronomie sçaroit bien,
34234 Raison sçaroit sur toute rien,
34235 Car ceste fu premier assise :
34236 Scïence est de tout acquise
34237 Ou decret de divinité,
34238 Par quoy toute Crestïenté
34239 Est convertie a droite foy
34240 Pour Dieu servir, et mettre arroy
34241 Et ciel et terre et estoille.
34242 Astronomie est un[e] voile
34243 Pour tout le monde gouverner,
34244 Que riens ne poeut sans lui durer.
34245 C’est Dieu ly astronomïens,
34246 Qui a en lui tous bons lÿens.
34247 Ce est la scïence qui soit
34248 Par quoy on congnoit plus a droit
34249 Comment le monde est compassés,
34250 Et d’aultres biens pluseurs assés.
34251 Par lui seule furent trouvees
34252 Les aultres six avant nommees.
34253 Et sans elles nul ne porroit
34254 Sçavoir Astronomie a droit.
34255 Les six ars en sont instrumens
[83a]
34256 Et ceste[8] en est fondemens.
34257 Maint hault prince ont aprins clergie
34258 Pour apprendre l’Astronomie.
34259 Ce est des ars le principal,
34260 <Et> Le plus noble et plus liberal,
34261 Ne nulz homs serfs ne doit entendre
34262 Ne nulz ne doit laissier apprendre.
34263 On n’y poeut riens muer ne mettre,
34264 Tant s’en sceüt on entremettre,
34265 Et se aucun riens y muoit,
34266 Toute la diffigureroit.
34267 Nulz Juïfz, paiens, Crestïens
34268 N’y porroit amender de riens.
34269 Qui les sept ars toute sçaroit,
34270 En toutes loix creüs seroit,
34271 Car nul nel porroit contrester
34272 De chose qu’il voulsist monstrer.
34273 Cil est fol qui cuide sçavoir
34274 A droit nulle chose de voir,
34275 Qui de grant clergie ne tiengne
34276 Pour nulle chose qu’il adviengne,
34277 Se n’est miracle especïal
34278 De par Dieu le celestïal.
34279 Se il n’est de sept ars ainchois,
34280 Tous ses ditz ne vallent ung pois.
34281 Ad ce qu’il peüst riens monstrer,
34282 Ne faulx ne voir a droit prouver.
34283 Ne ja nul n’yere si paiens,
34284 Ne clerc, Juïfs ne Crestïens
34285 Qui peust ung tel clerc contredire
34286 De chose que il voulsist dire.
34287 Toudis et en toutes saisons
34288 Tousjours sont voires ses raisons.
34289 Devant Jhesucrist fu Virgille
34290 Qui ne tint pas cel art a guille,
34291 Ains en usa toute sa vye,
34292 Tant qu’il fist par Astronomie
[83b]
34293 Mainte grande merveille escripte
34294 Que on t’a par cy devant ditte.
34295 Cha arriere les as leües
34296 Et cy arriere sont veües.
34297 Quant il morut, se fist porter
34298 Hors de Romme pour enterrer,
34299 En ung chatel devers Sezille,
34300 Pres de la mer, en une ville.
34301 Encor y sont les os de lui
34302 Qui sont mieulx gardez que d’aultrui.
34303 Soubtil fu Virgille et sage
34304 De loix et des ars et d’uzage.
34305 Il fu de petitte estature.
34306 Bochu fu ung pou par nature
34307 Et alloit la teste baissant,
34308 Un peu vers terre regardant.
34309 Pour ce t’ay je cecy retrait
34310 Que voies com Dieu a tout fait
34311 Pour nous le monde entierement,
34312 Les planettes et ellement,
34313 Et les figures et les signes.
34314 Si devons estre sage et dignes
34315 Que nous le puissons si servir
34316 Que s’amour puissons desservir.
34317 Pour ce, Regnart, sage sera
34318 Qui bien tel Seigneur amera,
34319 Qui tous ces biens a pour nous trais
34320 Et les sept ars et monde fais.
34321 Si com je t’ay cy devant dit,
34322 Cellui qui ce rommant escript
34323 Et qui le fist sans faire faire
34324 Sans[9] en prendre aultre exemplaire,
34325 Tant y pensa et jour et nuit
34326 En l’an mil .iijc. vint et uit,
34327 En avalant, y mist sa cure
34328 Et continua l’escripture.
34329 Plus de .xiij. ans y mist au faire
[83c]
34330 Ainçois qu’il le peüst parfaire.
34331 Bien poez vëoir la maniere,
34332 Se vous entendez la matiere
34333 Des choses qui y sont nommees,
34334 Quant elles furent achevees.
34335 Ne oncques nul cel an devant
34336 N’ot nul veü pareil rommant.
34337 Rommant est, en rommant est fait
34338 Combien que du latin soit trait.
34339 Trois en fist cil, cy est ly tiers
34340 Combien qu’il ne lui fu mestiers,
34341 Ne nessecité n’en avoit.
34342 Au faire grant plaisir prenoit
34343 Et deduit au bien reciter,
34344 Et soulas le faisoit ditter.
34345 Sa melencolie oublïa
34346 Tant com en ce estudïa.
34347 Clerc ne fu, mais il l’ot esté,
34348 Cil qui a tout ce recité
34349 En son privé, en son recept,
34350 L’an mil .iijc. et vint et set.
34351 De par cellui te voeul prïer
34352 Que point ne voeulles detrïer,
34353 Point demourer ne point cesser
34354 De toy monlt tresbien conffesser.
34355 Encor suis a l’acord qu’on dye
34356 De la tresbonne Astronomie
34357 Et de ses six bons compagnons,
34358 Tant que paiés nous en tenons,
34359 Car qui bien penser y voulroit
34360 Jamais en Enfer ne venroit
34361 Qu’autant vallent au derrenier
34362 Florins d’or comme vieux panier.
34363 Or dy donc, Regnart, et descoeuvre
34364 Ton pechié et ta maulvaise œuvre. »
34365 Lors s’est Regnart agenoulliés,
34366 De ses pechiés s’est despouillés,
[83d]
34367 Et commence de point en point
34368 Si com conscïence le point :
34369 « Premier, orgueilleux ay esté.
34370 En tout temps, yver et esté.
34371 Sur tous pensoye a mieulx valloir.
34372 Sens et beaulté et grand sçavoir
34373 Et aussi trestout despisoie.
34374 Honte et blasme sur tous disoye.
34375 Riens au cœur ne me souffisoit,
34376 Mon cœur toute riens despisoit.
34377 Blamoye d’aultrui œuvres et voyes,
34378 Looye, auctorisoye les moyes.
34379 J’en ay au cœur grant repentance,
34380 Si en requiers la penitance.
34381 ― Amis, qui d’Orgoeul voeult enquerre
34382 Des le ciel jusques en la terre,
34383 Par Orgueul fu brisé jadis
34384 La compagnie de Paradis
34385 Et deffaite par Lucifer
34386 Qui est d’Orgoeul plus noir que fer.
34387 Par Orgoeul en enfer cheïrrent
34388 Anglez et ceulx qui les sievirent.
34389 Aussi brise, ne doubtez mie,
34390 Orgoeulleux bonne compagnie,
34391 Ne de ce bien ne se pourvoit,
34392 Car orgueilleux point ne se voit.
34393 Orgoeul est une maladie
34394 Male et pesant, quoy que nul dye,
34395 Car cil qui l’a, il est avugles,
34396 Ne ne scet ne que fait ung bugles,
34397 Et si ne scet que il lui fault.
34398 Briefment en lui sont tout deffault.
34399 Nul chetif ne le poeut garir,
34400 Pour ce que bien n’en poeut venir.
34401 C’est l’aisné filz au deable voir,
34402 Que trestous Infer voeult avoir.
34403 Orgoeul guerroye Dieu et ses biens
[84a]
34404 Pour ce qu’il ne lui souffist rien,
34405 C’est le lÿon qui tout deveure,
34406 Qui ne repose nisune heure.
34407 Orgoeul destruit trestoutes graces
34408 Et efface les bonnes traces.
34409 Orgoeul trestout bien chasse hors,
34410 Quancques sont en cœur et en corpz.
34411 Orgoeul si envoye en enfer
34412 Tout ce que deult a Dieu aller :
34413 Primes Desloiaulté en naist.
34414 Qu’Orgoeul par son malice paist.
34415 Avecques ce Despit en vient
34416 Qui toudis lez Orgoeul se tient.
34417 Oultrecuidance et Presumpcion
34418 Font avec lui leur mencïon :
34419 Apres Ambicïon le suit
34420 Qui souvent cœur et corpz lui cuit,
34421 C’est a dire Fole bëance[10],
34422 Ce qu’il a ne lui a sëance,
34423 Et aprez il suit Vaine Glore
34424 Qui lui oste toute memore,
34425 Ypocrisie toudis le tient,
34426 En trestous les lieux ou il vient.
34427 De Male Paour hors n’est ja,
34428 Nuit ne jour point ne cessera.
34429 Aprez est plain de Vilenie
34430 Qui le tient vers Forsennerie
34431 Et Renoirie, certains soiés,
34432 Pour ce qu’il est tout desvoiés.
34433 Aprez y est Ingratitude
34434 Qui tient bien son lieu en estude.
34435 Ce est de Dieu pure oublïance,
34436 De ses dons et de sa scïence :
34437 Dieu mile fois est gracïés
34438 De l’Orgueilleux dont cy oyez.
34439 Ja des biens nel gracïera,
34440 Mais toudis le guerroiera.
[84b]
34441 Toudis rend a Dieu mal pour bien[11]
34442 Et le guerroye adez du sien.
34443 Avec est desobeïssans,
34444 Orgoeulleux n’est ja congnoissans :
34445 Tout est plain de sorcelleries
34446 Et de grandes forseneries.
34447 Orgoeul est de bougrie plains.
34448 Ung jor croit plus, et l’autre moins.
34449 Orgoeul ne se voeult adviser
34450 De ses pechiés pour despisier.
34451 Orgoeul de pechié qu’il ait fait,
34452 Ne pense point avoir <mal> meffait.[12]
34453 Orgoeul est de bien prendre lerres.
34454 Avecques ce il est vanterres :
34455 « Je suis, je sçay, j’ay fait, j’ai dit. »
34456 Tous aultres ont meffait, mesdit.
34457 Bon pain et bon vin lui anuye,
34458 Beau temps, nesge, gellee ou pluye
34459 Et mont et val et terre plaine
34460 Et la mer salee et saine.
34461 Il va toute char despisant
34462 Et tout poisson lui est cuisant.
34463 Il chevauce et ores charroye :
34464 Il ne poeult trouver bonne voye
34465 Ou la prairie[13] ou le bois.
34466 Il ne poeut estre en nul bon mois.
34467 Robe a son gré ne poeut avoir.
34468 Or voeult du blanc, or voeult du noir.
34469 Or voeult houche, or voeult mantel.
34470 Ce ne lui est ne bon ne bel.
34471 Une heure voeult chausses visaines
34472 Et aultre fois les voeult bigaines.
34473 Or voeult soulliers a becq de gay,
34474 Aultres a las, aultres en sçay.
34475 Tous maistres ne scevent noyent
34476 Et sont tous folz et inscïent.
34477 Nul prestre ne lui poeult souffire
[84c]
34478 Qu’a gré lui puisse messe dire :
34479 Cilz est trop long, cilz est hastifz.
34480 Cil chante mal et cellui pis.
34481 Tant a le cœur plain de despit
34482 Qu’il ne scet qu’il fait ne qu’il dit.
34483 Or se voeult servir, or ne daigne.
34484 Or ne scet quel chemin il tiengne.
34485 Orgoeul n’a feste ne dimance
34486 De folie mener n’abstinence.
34487 Orgoeul tant comme en l’homme dure,
34488 Toute sa fourme deffigure,
34489 Car regarder a droit ne daigne.
34490 Ses yeulx, sa face tourne et maine
34491 Trop humble, trop fole, trop fiere.
34492 D’aller fait diverse maniere.
34493 Il voeult contrefaire nature.
34494 De ce que Dieu a fait n’a cure,
34495 Il lui semble mieulx le fera.
34496 Ja jour a repos ne sera.
34497 Tous compagnons voeult maistrïer,
34498 Tous diffamer et lui prisier.
34499 Orgoeul ne crient pere ne mere.
34500 Tout proprement je le compere
34501 Au deable qui nous va chassent.
34502 Pour ce, amis, je te command,
34503 Cure n’ayes de son arroy.
34504 Pour Dieu, amis, advise toy
34505 D’Orgoeul qui est plain d’Arrogance
34506 Que nous appellons sourcuidance,
34507 De faulx despens faire et de vivre
34508 Ja ne voult jour Raison ensuire.
34509 Arrogance, c’est fole emprise
34510 Qui nulle fois raison ne prise.
34511 Orgoeul en tout temps prise s’œuvre
34512 Et voeult qu’il soit creü sans preuve,
34513 Pluseurs fois ment et peu dit voir.
34514 Nulle fois ne fait son volloir.
[84d]
34515 Orgoeul des biens se gabe adés,
34516 De ceulx qui aiment bien et pres,
34517 Et cuide bien le plus sçavoir
34518 Et sur tous aultres mieulx valoir,
34519 Et voeult que soit auctorisié
34520 Et en fais et en dis prisié.
34521 Encores, se bien cler vëons,
34522 Tout est plains de rebellïons.
34523 C’est qu’il het ceulx qui bien lui voeullent
34524 Et qui le bien monstrer lui seullent.
34525 S’Orgoeul sçavoit bien tous les trais
34526 Que c’est cil mond, pour quoy tu fais,
34527 Quelz noblesses il a amont,
34528 En quel noblesse les bons sont,
34529 Les Orgueilleux Orgoeul lairoient.
34530 Et grant humilité prendroient.
34531 Si t’en diray une partie
34532 Si com on dit Astronomie.
34533 Or l’entens pour Orgoeul guerpir
34534 Et pour faire a Dieu plaizir.
34535 S’orras comment Dieu fist le monde,
34536 Comme une pomme toute ronde.
34537 Le ciel rëont de toutes pars
34538 Qui sur tout le monde est espars,
34539 Entierement sans point de faille,
34540 Trestout ainsi comme l’escaille
34541 De l’œuf que tour[14] l’aubun se tourne,
34542 Tout ainsi le ciel avironne
34543 Ung air qui est sur cestui air,
34544 Qui en latin a nom ether,
34545 C’est a dire pur est et nets.
34546 Car de pure pureté[15] fu fais.
34547 Cil air s’esjouÿst nuit et jour
34548 Du perpetuel resplendour
34549 Et est si cler et si luisans
34550 Se ungz homs y estoit manans
34551 Il verroit la et ung et aultre,
[85a]
34552 Quancques a d’un ciel jusqu’a l’autre
34553 Aussi legierement et plus
34554 Comme on pooit vëoir cha jus
34555 Devant ses yeulx ung seul piet loingz,
34556 Au moins si en avoit bezoing :
34557 De cellui air tous les corps prendent.
34558 Les angles les aelles enpennent
34559 Quant ça jus ilz viennent tramis
34560 A aucun qui est Dieu amis,
34561 Quant il leur voeult riens reveler.
34562 Par cellui air ilz sont si cler
34563 Que les yeulx de l’homme pecheur
34564 Ne poeuent soufrir sa <re>splendeur
34565 Ne regarder en tel clarté
34566 Com ceulx qui sont plains d’oscurté.
34567 Si en est souvent advenu,
34568 Quant l’angle si estoit venu
34569 A aucun homme en aucun lieu
34570 Pour nonchier la volenté Dieu,
34571 Qu’ainsi comme endormy chëoit
34572 Quant la parole Dieu ooit
34573 Par l’angle ainsi come en songant,
34574 Et estoit tout mus jusqu’a tant
34575 Que ly angle s’en repairoit.
34576 Lors le preudoms se resveilloit,
34577 Et si se ramenbroit du dit,
34578 Que ly angle lui avoit dit.
34579 Ainsi dis je certainement
34580 Qu’on ne porroit corporelment
34581 Soustenir en nulle maniere
34582 De celle clarté la lumiere.
34583 Qui est prez du saint cel lassus
34584 Dont nous sommes cy mis en jus,
34585 Nulle riens ne durroit pesant.
34586 Ne nul oiseau, tant fust vollant,
34587 Ne se porroit la soustenir,
34588 Qu’aval ne lui convint venir,
[85b]
34589 Ne plus n’y porroit avoir vivre
34590 Ne que ung poisson porroit vivre
34591 En ung feu ardant maintenir
34592 Qu’il ne le convenist morir.
34593 Bien les endureront les ames
34594 Qui aront vescu sans diffames,
34595 Sans Orgoeul et sans Vanité,
34596 En amour et en charité.
34597 Les bonnes ames y durront
34598 Qui de cœur servi Dieu aront
34599 Et y durront en delitant
34600 Et vivront eulx esjoÿssant.
34601 Et comment donc porroies tu,
34602 Qui d’Orgoeul ez si revestu
34603 Et tant poeus de pechié peser,
34604 De cellui tresbon air user ?
34605 [Ly] usurier et courretier
34606 Qui tant avez or l’autrui chier,
34607 Chaitifs advocatz que feront ?
34608 Ja de cel air ne gousteront,
34609 Car pour vray qui n’en goustera
34610 Ja en Paradis ne sera
34611 Car cellui air dont dit avon,
34612 Qui air esprituel a nom,
34613 Dont anglez prendent leur atour,
34614 Avironne trestout entour
34615 Les quatre ellemens que Dieu fist,
34616 Qui ung, par dedens l’autre mist,
34617[Le] feu et [l’]air, [l’]eaue et la terre,
34618 Dont l’un dedens l’autre s’enserre
34619 Et l’un et l’autre ainsi soustient,
34620 Que la terre ou millieu se tient.
34621 Le feu qui est premierement,
34622 Il clot cel air entierement,
34623 Et cil air enclot l’eaue aprez
34624 Car de la terre se tient prez,
34625 Trestout ainsi comme en[16] l’œuf
[85c]
34626 Que l’aubun enclot le moieuf
34627 Et empuy le moieuf s’abaisse,
34628 Une goute ainsi que de grece,
34629 Qui ainsi com point ne se tient,
34630 Et le tour de l’œuf qui le tient,
34631 Qui n’y tousche de nulle part.
34632 Ainsiques par ung tel esgart
34633 La terre en my le ciel assise
34634 Est si egalment soubz eulx mise
34635 Que aussi est longue com bas,
34636 Ainsi com le point d’un compas
34637 Qui tout en my le cercle est mis,
34638 C’est a dire plus bas assis.
34639 Car toute fourme de compas
34640 Est le point en my le plus bas.
34641 Ainsi sont les quatre ellement,
34642 L’un[17] et l’autre entierement.
34643 Et la terre est[18] tout en my
34644 Qu’autant a de ciel dessoubz lui[19]
34645 Comme il en y a par dessus,
34646 Qui bien en voeult enquerre l’us,
34647 Autant d’un costé tout a point,
34648 Se tu sces bien vëoir le point.
34649 Et seroit il bon de enquerre
34650 Quel lieu il a dedens la terre
34651 Car trestout est bon a sçavoir.
34652 Et pour se poeut on joye avoir,
34653 Et lui de tous pechiés retraire
34654 Pour faire qu’a Dieu doye plaire.
34655 Et se tresbien ad ce pensoies,
34656 Jamais d’Orgoeul cures n’aroies.
34657 Tout ce poeut bonne amour vëoir,
34658 Par tout poeut aller et sëoir,
34659 Et cil qui bien de Dieu sera,
34660 Par tous lieux ou voulra ira.
34661 Je te dis qu’en terre est enfers,
34662 La ou seront les chetifs serfs.
[85d]
34663 Cil enfer ne porroit plus estre
34664 En lieu ou il eust point noble estre,
34665 Le ciel si est et beaulx et purs,
34666 Et cil est pesant et obscurs.
34667 Plus est pesant que nulle rien,
34668 Par quoy on poeut entendre bien
34669 Que ou plus bas a fait son estre,
34670 Car en hault ne porroit pas estre.
34671 Je ne dy pas qu’enfer ne soit
34672 Ailleurs en quelque lieu ce soit,
34673 Car des secretz Dieu je me tais.
34674 Riens n’en sçay, pour ce paix en fais,
34675 Car aprez la mort partout a
34676 Paine et mal qui desservi l’a.
34677 Dieu a en lui pluseurs prisons,
34678 Pluseurs diverses mansïons.
34679 Il les envoie ou lui plaist,[20]
34680 Car toute poissance en lui est.
34681 Se il estoit sur le ciel mis,
34682 Si aroit il et mal et pis.
34683 La ou Dieu plaist chascun envoye
34684 Pour avoir bien ou mal ou joye,
34685 Si com aucun, quant morir doit,
34686 Se en beau lieu on le menoit
34687 Ou il eüst joye et soulas,
34688 Tant plus seroit tristres et mats,
34689 Quant il verroit que solacier
34690 Ne lui porroit nëant aidier.
34691 Or oy bien, et si ne te griet
34692 D’enffer, qui tout ou millieu siet
34693 De la terre et[21] la nature
34694 Qu’il ait et quel paine il endure,
34695 Car ceulx qui sont en enffer mis,
34696 Ilz ne sont point a Dieu amis.
34697 Bien a oÿ trestout comment
34698 Se tiennent les quatre ellement,
34699 Ly ung en l’autre par nature.
[86a]
34700 Si qu’en my est la terre dure
34701 Qu’en my le firmament se serre.
34702 Tout ainsi a dedens la terre
34703 Ung lieu ou absime a a nom
34704 Ou terre de perdicïon,
34705 En tant te dis que cellui lieu
34706 Est plain et de souffre et de feu,
34707 Hideux et puant, plain d’ordure
34708 Et de toute male adventure,
34709 Large dessoubz, estroit desseure.
34710 Tous ceulx qui entrés sont en l’eure
34711 Tout partout sont, et tout confont
34712 Le souffre qu’adés art et font
34713 Toudis[22] brule et toudis art.
34714 Tout ce qui a dedens se part.
34715 Car cil lieu est de tel nature
34716 Que plus art, plus longuement dure.
34717 Cil lieu a tous maulx a sa part.
34718 La tent la mort son estandart
34719 Et par[23] tout le monde envoye
34720 Qui qui en ait ou doeul ou joye.
34721 C’est la tirelire aulx pechiés,
34722 La met on tous les maulx cachiez.
34723 Ce est la garde robe au deable.
34724 Feu, foudre toudis pardurable
34725 La viennent trestous a mais port.
34726 Cil lieu a nom terre de mort
34727 Car les ames certainement
34728 Y moeurent pardurablement.
34729 Toudis y moeurent en vivant,
34730 Et toudis vivent en mourant.
34731 Mort est leur vye, et leur vïande.
34732 Mort les tient et si les demande.
34733 Mort est leur lieu, mort est leur place.
34734 Mort est leur corpz, mort est leur face.
34735 En morant, ne finissent mye.
34736 Toudis comperent leur folye,
[86b]
34737 Car ame ne poeut ja morir
34738 Ne a fin ne poeuent venir.
34739 Car trestous sont ceulx oublïé
34740 Qui en cellui bien sont lïé.
34741 Vraiement oublïés sont cil
34742 Qui layens sont mis en exil.
34743 Oblivïon a nom ly lieux
34744 Qui tant est mal et doloureux.
34745 Car, se l’Escripture ne ment,
34746 Aprez le jour du Jugement
34747 Tous seront oublïés a certes.
34748 Ja les portes n’yerent ouvertes.
34749 La seront tant que Dieu est Dieux.
34750 Leur estat sera toudis tieulx,
34751 Ce est la cave tenebreuse,
34752 Plaine d’ordure, monlt hideuse.
34753 Si te poeut bien atant souffire
34754 Tant qu’a ceste matere dire.
34755 Dy aprez, Regnart, dy aprez,
34756 Tant que tu soies bien conffez
34757 De cest or pechié, toudis pense,
34758 Fui Orgoeul et aime Innocence.
34759 ― Sire, dist Regnart, volentiers.
34760 J’ai esté tous mes ans entiers
34761 Haineulx et trestout plain d’Envie.
34762 Cil pechié m’a tenu ma vye.
34763 Pour ce a conffessïon suis cy,
34764 De ce pechié crye <a Dieu> mercy.
LE PRESTRE HUNBERT
34765 ― Amis, certes s’as eü tort
34766 Car par Envie es a la mort
34767 Et par Envie au deable vint
34768 La mort dont enfer lui provint.
34769 Brief qui bien Envie conpere,
34770 Envie du deable fait son pere,
34771 Envie ne poeut nul bien vëoir.
[86c]
34772 Bien d’autrui ne lui poeut sëoir,
34773 D’Envie est la sanblance faitte
34774 A caux soiris et a chüette,
34775 Car <la> clarté ne leur poeut sëoir,
34776 Ne soleil ne poeuent vëoir.
34777 Trestous malvais jugemens prent,
34778 Aussi de la bouce les rend,
34779 Se mal sur qui que soit habunde,
34780 C’est la joye qu’il a au monde.
34781 Se aucun chiet en maladie,
34782 Ou en pire estat de sa vye,
34783 N’est nulle riens qui tant lui plaize
34784 Ne de quoy il soit aussi aize.
34785 Quant aucun monte en bonheür,
34786 Ou de sa vie est asseür,
34787 N’est riens qui tant lui puist desplaire
34788 Et tant qu’il ne s’en porra taire.
34789 Sur lui dira une controeuve
34790 Que sans cause telz biens ne troeuve.
34791 David ou Psaultier nous en touche,
34792 Et dit : « De l’Envïeux la bouche,
34793 Est pleine de maleüchon,
34794 D’amer et de pugnicïon. »[24]
34795 Envie toudis voeult deduire
34796 Et tous biens et honneur destruire.
34797 Au bazilique est comparés.
34798 Enquerez le, et pour voir sçarés
34799 Que verdure souffrir ne poeut.
34800 Avecques tout ce il ne voeult
34801 Herbe, arbre, buisson ne deduit.
34802 En tous vilz lieux est son delit.
34803 Cil pechié vient de tel sçavoir,
34804 Qu’Envis[25] poeut repentance avoir
34805 Ne envers Dieu nulle merite,
34806 Contraire au Saint Esperite
34807 Qui est de trestous biens fontaine
34808 Et voeul que chascun de moy tiengne.
[86d]
34809 Il est escript en l’Euvangille
34810 Ou il n’a ne barat ne guille :
34811 Qui contre Saint Esperit pesche,
34812 Des tourmens d’enfer il s’empesche.
34813 Les malvais Juïfs guerrioient
34814 Dieu pour le bien qu’en lui vëoient.
34815 Aussi li Envïeux guerroye
34816 Tout homme qui va bonne voye.
34817 Deable guerroie seullement
34818 Tout homme qui vit bonnement.
34819 S’Envïeux ot d’aucun bien dire
34820 Tout se confont de doeul et d’ire
34821 Ne poeut ne boire ne mengier.
34822 Envis[26] poeut nul bien compagnier
34823 N’esbatement ne poeut vëoir,
34824 Ne beaulx jeux ne lui poeut sëoir
34825 Pour ce qu’il proffite a pluseurs,
34826 Lyeux obscurs quiert et obscureux,
34827 Quant ilz voit aucuns beaulx delitz,
34828 Belles terres ou beaulx courtils,
34829 Tantost dist que cil l’a gaignié
34830 Par traïson et espargnié,
34831 Emblé, ou trouvé, ou tollu,
34832 Ou par quelque malfait venu.
34833 Par ce malade demourra,
34834 A peu que la mort ne prendra.
34835 Quant plus sera en maladie,
34836 Tant plus l’engressera Envie.
34837 De nul bien ne sera joyant
34838 Et trestout mal va desirant,
34839 Et dira toudis : « Je ay droit !
34840 Dont vient ce bien cy orendroit.
34841 Naguerez n’avoit pain ne blé.
34842 Par les saints Dieu, il a enblé !
34843 N’en sçaroie dire que voir. »
34844 Or oy, Regnart, comme a cœur noir !
34845 Il n’a en Dieu point de crëance,
[87a]
34846 Car se en Dieu eüst fïance,
34847 Il desist : « Dieu poeut en une heure
34848 Mettre homme du bien au desseure.
34849 En une heure riche le fait
34850 Et en une heure le deffait.
34851 De lui a icelle poissance. »
34852 Envïeux en lui n’a crëance,
34853 Car ungz homz ne se monte mie
34854 Sans lui en nulle honneste vye.
34855 Dieu monte bien et mal abaisse.
34856 Doncquez male langue se taise,
34857 Car qui du bien est Envïeux,
34858 Encontre Dieu est curïeux.
34859 O Regnart, s’Envïeux sçavoient
34860 Et du congnoistre sens avoient
34861 Quel amour en Dieu poeut trouver,
34862 Comment Dieu poeut gueredonner
34863 Qui entent a lui bien servir
34864 Et a sa grace desservir,
34865 Car se ung Envïeux avoit
34866 Quancquez sur terre sent et voit,
34867 Certes ne lui souffiroit mie
34868 Qu’il n’eüst dessus Dieu Envye.
34869 Donc est cil fol qui Envie a
34870 D’aucuns biens que Dieu me doura.
34871 Fol est qui Envie va sieuant,
34872 Car ses fais sont tout corrompant,
34873 Et se tu es bien congnoissans,
34874 Tu diras : « Dieu est tous poissans ! »
34875 De lui amer ne faulras mie,
34876 Et lairas le pechié d’Envie
34877 Qui forment fait a desprisier.
34878 Et pour ce t’en voeul deviser
34879 Que voies et congnoisses bien
34880 Que Dieu est trestout plain de bien,
34881 Et que bien doit avoir ennuy
34882 Qui met le sien cœur fors que lui.
[87b]
34883 Encor diray d’Astronomie,
34884 Par quoy tu n’aras plus d’Envye.
34885 Le pur air est dessoubz le feu
34886 Qui jusquez au ciel prent son lieu.
34887 En cel air n’a point d’obscurté,
34888 Car fait est de pure purté
34889 Qui est si fin, au vray parler,
34890 Que riens ne s’i poeut comparer,
34891 En cel air sept planettes sont
34892 Qu’entour la terre leur cours ont,
34893 Qui monlt sont et cleres et nettes,
34894 Qu’on appelle les sept planettes,
34895 Dont l’une sur l’autre est assise
34896 Et ordonnee en telle guise
34897 Qu’il a plus loingz entre chascune
34898 Que de terre jusqu’a la lune,
34899 Ou il a pour voir .xij. tants
34900 Que toute la terre n’est grans.
34901 Et coeurt chascune par miracle
34902 Ou firmament et fait son cercle,
34903 L’une grant, et l’autre petit,
34904 Selon ce qu’elle plus bas sist.
34905 Car tant com plus bas fait son tours,
34906 De tant est le cercle plus cours.
34907 Et plus tost a son cours parfait
34908 Que celle qui plus loing se trait.
34909 Et entendre poeus par ce point
34910 Qui en ung mur feroit un<t> point
34911 Et puis ung cercle tout autour,
34912 D’un compas ou d’un aultre tour,
34913 L’ung plus large, l’autre adés,
34914 Cil qui du point seroit plus pres
34915 Seroit des aultres le plus cours
34916 Et plus petit seroit son cours,
34917 Car plus tost ung tour fait aroit
34918 Qu’entour le plus petit n’yroit
34919 Q’ung aultre entour le plus grant,
[87c]
34920 Mais qu’ilz allaissent egalement.
34921 Et des sept que tu as oüy
34922 Poeus entendre ce que je dy
34923 Que l’une sur l’autre se baisse.
34924 Des sept la Lune est la plus basse,
34925 Et l’une moins grande des sept.
34926 Mais pour ce que elle[27] plus pres est
34927 De la terre, est elle plus grans
34928 Plus q’une des aultres parans.
34929 Et pour l’approchement qu’elle a
34930 A la terre dont si prez va,
34931 Pour la terre qui est obscure,
34932 N’a elle point de clarté pure
34933 Qui de lui viengne propprement,
34934 Mais la clarté qu’elle nous rent
34935 Prent elle du Soleil pour voir
34936 Trestout ainsi que le mirouer,
34937 Quant le ray du soleil s’i fiert
34938 Et puis a la paroit reffiert
34939 Celle flambeur en tel maniere
34940 Dont a la lune sa lumiere.
34941 La paroit clere vous appert,
34942 Quant le ray du miroer s’i fiert.
34943 En la paroit clarté redonde
34944 Pour cellui miroer qui lui donne
34945 Combien qu’en lui il n’en ait point.
34946 Prenés la Lune en autel point,
34947 Que point n’ait de clarté sans faille
34948 Que ce que le Soleil lui baille.
34949 En la Lune a ung corps polly
34950 Si comme ung pommeau bien bruny
34951 Qui reflamboye et clarté rent
34952 Quant le ray du Soleil le prent.
34953 Des nuësches que on y voit
34954 Dirent aucuns que ce estoit
34955 La terre qui appert dedens,
34956 Et l’autre dist ung buisson blans,
[87d]
34957 Ainsi comme en ung mirour
34958 Qui rechoit chascune coullour
34959 Quant elle est devers lui tournee.
34960 Aultres orent aultre pensee
34961 Et dirent ce fu advenu
34962 Des que Adam fu deceü,
34963 Que la Lune fu enrachie
34964 Et sa clarté amenuisie.
34965 Et des sept estoilles qui sont
34966 Ou firmament qui leur cours ont,
34967 Dont je t’ay cy parlé devant,
34968 N’en congnoist on tant seulement
34969 De tous ces sept que deux d[e] aulx
34970 Ce est la Lune et le Solaux,
34971 Mais les aultres ne congnoist mie
34972 Cil qui ne scet Astronomie,
34973 Et non pour quant j’en nommeray,
34974 Puis que tant cy parlé en ay.
34975 D’icelles sont deux sur la Lune
34976 L’une est sur l’autre dont chascune
34977 A en terre proppres vertus,
34978 C’est[28] Mercure et puis Venus,
34979 Dessus ces deux est le Solaux
34980 Qui tant est pur, et cler, et chaultz,
34981 Qui clarté rent par tout le mond,
34982 Et est si hault assis amont
34983 Que son cercle est .xij. tants
34984 Que cil de la Lune plus grans,
34985 Qui son cours en .xxx. jours fait,
34986 Et le Soleil qui plus loings rayt
34987 De la terre met a son cours
34988 Trois cens et soixante six jours,
34989 .Xij. tants plus et ung jour oultre,
34990 Si com le kallendrier nous monstre,
34991 Et ytant avec ce encores
34992 Le quart d’ung jour, ce sont six heures.
34993 Mais pour ce que diverssement
[88a]
34994 Est sur ly an commencement,
34995 Fut cil quart du jour atourné
34996 Ad ce que quatre ans est surné
34997 Ung jour oultre qui nommé est
34998 Bixeste, qui en quatre ans est
34999 Une fois dont on met par us
35000 De quatre ans en quatre ung jour plus,
35001 Car lors est a son proppre point
35002 Le Soleil revenu a point.
35003 C’est au my mars que l’erbe agence
35004 Que le nouveau temps recommance.
35005 De cellui temps premierement
35006 C’est le monde commencement,
35007 Et pour ce revient par nature
35008 Trestoute chose a sa nature.
35009 Sur le Soleil sont trois estoilles[29]
35010 Cleres, luisans comme chandelles,
35011 L’une dessoulz, l’autre dessus,
35012 Mars[30], Jupiter et Saturnus
35013 Qui est tant plus haulte des sept.
35014 En .xxx. ans [a] son cercle fait.
35015 Iceulx trois leurs vertus retiennent
35016 En choses qui ça jus adviennent,
35017 Car ces sept estoilles sont telz
35018 Que elles ont plus de poestés
35019 En choses qui de terre naissent
35020 Et leurs vertus plus s’i abbaissent
35021 Que nulle aultre du firmament
35022 Et plus oeuvrent appertement.
35023 Nulle riens sur terre ne tient
35024 Qu’amont ne soit qui le maintient
35025 Ne si petitte herbe n’est nee
35026 Par aucun ne soit gouvernee
35027 Et qu’elle n’ait qui le maintient
35028 Qui ça aval le croit et tient,
35029 Si comme li ancïen sage
35030 Ce encercherrent par usage
[88b]
35031 Les vertus de celles estoilles[31]
35032 Qui tant sont et cleres et belles[32],
35033 Car tant de biens y aprendras
35034 Pechié d’Envie oublïeras.
35035 Or entens bien a la scïence
35036 Par quoy on vient a sapïence
35037 Et des biens congnoistre et enquerre
35038 Qui poeuent advenir en terre
35039 Par œuvre de droitte nature,
35040 Qui par le monde s’y figure.
35041 Le ciel et les estoilles sont
35042 Instrument de nature amont,
35043 Par quoy elle œuvre tout adez,
35044 Si com Dieu plaist, et longz, et prez.
35045 De tout ce a la congnoissance
35046 Qui scet congnoistre la poissance
35047 Des estoilles qui au ciel sont,
35048 Qui en terre les vertus ont
35049 Que Dieu ottroye a chascune,
35050 Et au Soleil, et a la Lune,
35051 Toutes diversités qui sont,
35052 Et gens qui diversités ont,
35053 Soit de courage ou de faiture,
35054 Et de quancquez vient par nature
35055 En herbes, en arbres, en bestes,
35056 Avec par les vertus celestes
35057 Que Dieu aulx estoilles donna,
35058 Quant premier le monde ordonna.
35059 Par la vertu que ou ciel fist
35060 Vist toutes riens que soubz ciel fist.
35061 S’a Dieu venoit ore a plaizir
35062 Que le ciel fesist quoy tenir,
35063 Qu’adés ne tournast a la ronde.
35064 Il n’a nulle riens en ce monde
35065 Mouvant qui mouvoir se peüst
35066 Ne qui nul sens en lui eüst
35067 Neant plus q’ung mort qui riens n’entent,
[88c]
35068 En qui n’a sens ne mouvement,
35069 Com cil qui de vye n’a point.
35070 Et trestout en aultre tel point
35071 Chascune des choses seroit
35072 Se le ciel a tourner laissoit.
35073 Sans mouvoir trestoutes seroient,
35074 Jamais d’illec ne se mouvroient.
35075 Se mouvement ou ciel n’eüst,
35076 Il n’est riens qui vivre peüst.
35077 Ainsi vault Dieu faire le monde
35078 En qui toute droiture habonde,
35079 Mais rien ne fist qui n’ait pooir
35080 Trestout autel qu’il doit avoir,
35081 Car sans raison eüst ce fait,
35082 S’il ne servisist d’aucun fait.
35083 Estoilles fist et ordonna,
35084 A chascune vertu donna.
35085 Qui tout ainsi ne le voeut croire
35086 En lui n’a raison ne memore,
35087 Car nous vëons appertement
35088 Que la Lune lumiere prent
35089 Et quant la vëons toute plaine,
35090 Lors n’a ly homs ne nerf ne vaine
35091 Qui plus ne soit plaine d’humours
35092 Que quant la Lune est en decours.
35093 Ainsi advient de toutes bestes :
35094 Plus ont plaines moules es testes.
35095 Meismes la mer sallee s’enffle
35096 Et toute ou decours se desenffle
35097 Tant que ce vient ung mois aprez.
35098 Dont ceulx qui de la mer sont prez,
35099 Quant la Lune doit estre plaine,
35100 Chascun d’eulx sa maisnie enmaine,
35101 Et s’eslongent de leur manoir,
35102 Et vont en plus hault lieu manoir,
35103 Tant que la mer s’en va arriere.
35104 Chascun mois fait en tel maniere.
[88d]
35105 Et tout ce advient par la Lune
35106 Qui des sept planettes est l’une.
35107 Si voit on du Soleil aussi
35108 Que quant il approche de cy
35109 Et il se commence a monter,
35110 Il fait la terre fruit porter.
35111 Et quant commence a abaissier,
35112 Il fait bon temps apetinchier,
35113 Et fait foeulles ou flos saillir
35114 Jusques il prent a revenir.
35115 Les aultres ont, selon droiture.
35116 Vertu, pooir selon nature.
35117 Pour ce, sont divers pluseurs temps,
35118 Comme l’en voit par aucuns ans,
35119 L’un en peril, l’autre asseür,
35120 L’un des fruis sont plustost meür.
35121 L’un esté est moiste[33] et doulx,
35122 Et l’autre est secq et ventoux.
35123 Une anee, fruit ne se gardent,
35124 L’autre tant comme on voeut se tardent.
35125 Ung yver est froit et pluieux,
35126 Ly aultre est moins anuieux,
35127 Mortoies de bestes communes
35128 Et grant naissance de aucunes.
35129 Ung an est qu’amender ne poeu[ll]ent
35130 Toutes gens, par cel an se doeullent.
35131 Tel an est, nul ne poeut morir,
35132 Et tel que nul ne poeut garir.
35133 Ung an est d’apostume plain,
35134 De rongnes et d’aultres mehaing.
35135 L’un en santé, l’autre en peril.
35136 Ly ung est chier, et l’autre vil.
35137 L’un est plain de guerres d’amis,
35138 L’autre de paix et de deduis.
35139 L’un an est que qui semeroit
35140 Froument sur pre il revenroit,
35141 [Et] l’autre en la meilleur terre
[89a]
35142 Semés lui, ne le sçarez coeurre.
35143 Ainsi des prez, des bois, des champs,
35144 Trestout est bon et mal par temps.
35145 Toutes ces diversités dont
35146 Les estoilles qui ou ciel sont.
35147 Ce est la voulenté de Dieu
35148 Qui chascun a mis en son lieu,
35149 En son cours tout naturelment
35150 Et chascune diverssement,
35151 Car s’aucune riens eust son us,
35152 Au ciel fors le Soleil sans plus,
35153 Com cil qui va egallement
35154 Chascun an par le firmament,
35155 Qui en ung an oultre tant monte
35156 Com en ung aultre par cest compte
35157 En tous yvers autant descend
35158 Comme es aultres tout egalment,
35159 Tant que revient tout droit au point
35160 En l’autre yver, a son droit point
35161 Ou devant fu, ce scevent bien
35162 Ceulx qui sont astronomïen.
35163 Qui va entour le ciel au tour,
35164 Et la ou il est huy cel jour,
35165 Resera il d’huy en ung an.
35166 La mesure vraye en scet l’an.
35167 S’aultres estoilles n’y avoit,
35168 Son pooir aultrement iroit.
35169 Tous les ans seroient semblant.
35170 Chascun autel qu’il fut devant,
35171 Et les mois se ressembleroient
35172 Trestout ainsi que ilz verroient,
35173 Janvier tel que l’autre janvier,
35174 Frevrer tel que l’autre frevier,
35175 Et des aultres dix mois ainsi
35176 Trestous se gouvernent aussi
[89b]
35177 En ung mois comme il fait adés,
35178 Autel l’un comme l’autre aprés.
35179 Et le jour se rassembleroit,
35180 Celuy d’huy en ung an tout droit,
35181 De chault, de bel, de froit, de pluie,
35182 L’autre aprez, selon leur venue,
35183 Ainsi comme les jours verroient
35184 Telz com or en ung an feroient,
35185 Tout ainsi il le convenroit.
35186 Doncques par nature il seroit
35187 Tout ly yver et ly esté,
35188 Qui par cy devant ont esté,
35189 Ne qui jamais estre porroient,
35190 Nulle diversité n’aroient.
35191 Tous seroient toudis pareil,
35192 Comme cilz qui par le Soleil
35193 Seroient toudis gouverné,
35194 Qui ne varie yver n’esté :
35195 Tel chaleur rend huy com anten,
35196 Et autant yert huy en ung an.
35197 Ainsi seroient par ingal
35198 Toudis les temps d’icy aval.
35199 Varïacïon n’y aroit,
35200 Ainsi est, et ainsi seroit.
35201 Mais le Soleil est comme ung voiles
35202 De toutes les aultres estoiles
35203 Qui sur toutes est la plus fine.
35204 Toutes les aultres enlumine
35205 Par la grant clarté qu’en lui est.
35206 Tout bien de terre par lui naist,
35207 Et plus a de pooir sur terre
35208 Des choses que on poeult enquerre
35209 Selon raison, nature et droit,
35210 Que nulle aultre chose qui soit.
35211 Selon qu’elles sont prez ou loing,
35212 Si ont aucunesfois besoing,
35213 Aussi comme on[34] fait d’un roy
[89c]
35214 Qui plus est sires endroit soy
35215 Par sa haultesse et plus poissans
35216 Que nulz de ses obeïssans,
35217 Et si lui ont souvent mestiers,
35218 Et si le doivent tous aidier.
35219 Car quant plus prez est de ses gens,
35220 Tant est plus fort et plus potens,
35221 Et [tant] plus de ses gens eslonge,
35222 Tant fait il moins de sa besongne.
35223 Le Soleil est le plus poissans
35224 De toutes estoilles luisans.
35225 Les aultres monlt grant pooir ont
35226 Selon ce que estables sont,
35227 L’une en santé, l’autre au contraire,
35228 L’autre pour nativité faire,
35229 Pour bestes, pour oiseaulx, pour bois,
35230 Pour joye, pour mal, pour degois.
35231 N’est si petitte verminette,
35232 Arbre, papillon, ne mouchette,
35233 Oiseau, vers qu’est de pourreture,
35234 Tant comme vye ou corps lui dure,
35235 Si petitte herbe n’est en terre
35236 N’en eaue, tant le sceut on querre,
35237 Poisson en doulce eaue ou en mer,
35238 Doulz ou sallé, aigre ou amer,
35239 Toutes choses qui poeuent estre,
35240 Qui ont ne peu ne grant de estre,
35241 Toutes ont pour eulx les estelles
35242 Et quant il en est temps contre elles.
35243 Toutes ont maistre et gouverneur
35244 Et naturel administreur,
35245 Par quoy vivent et se maintiennent,
35246 Par qui perdent, par qui emprengnent.
35247 Aultrement trop habonderoient,
35248 Trop perdroient ou trop seroient,
35249 Trop habonderoi[en]t d’honnour,
35250 Ou trop aroient de doulour.
[89d]
35251 Je voy annee de chenilles,
35252 Qui sont choses qui sont monlt villes,
35253 D’escarbottes, mouches, soiris,
35254 Qui portent aux genz mointz perilz,
35255 En ung an en est largement
35256 Et en l’autre n’en est noient.
35257 Nature ainsi les demainent[35]
35258 Par qui suivent, par qui remaignent.
35259 Ainsi com toute riens qui viennent
35260 Ont estoilles qui les gouvernent,
35261 De qui leur noureture prennent
35262 Et s’alievent et entretiennent.
35263 Chascune se mesle du sien.
35264 Dieu a fait toute chose bien.
35265 Chascune[36] a sa majesté,
35266 Sur quelque chose a poesté.
35267 Car si petitte estoille n’est
35268 Qui aucune poissance n’aist.
35269 A quelque chose est ordonnee
35270 Toute chose qui est formee.
35271 Siques, Regnart, si tu vouloies
35272 Bien penser ad ce, tu lairoies
35273 Tout le pechié d’Envie ester,
35274 Car tu n’y poeulx riens conquester.
35275 En ce qu’ay dit acquesteras
35276 Assez, quant penser y volras.
35277 C’est es œuvres Dieu adviser,
35278 Dieu amer et mal desprisier.
35279 Qui en vil chose estudie,
35280 Si com est ort pechié d’Envie,
35281 Trop se mesle de chetifs fais.
35282 Dy aprez, et plus ne le fais.
REGNART
35283 ― Sire, du laissier suis tempté,
35284 Mais j’ay trestout mon temps hanté.
35285 Ce voeul je tant pour voir [te] dire
35286 Du pechié qu’on[37] appelle Ire,
[90a]
35287 Des lors que premier l’encergay,
35288 Du maintenir ne me targay,
35289 Le pechié d’Ire ay maintenu,
35290 De la jusques cy suis venu.
PRESTRE HUNBERT
35291 ― Certes, amy, bien dire t’ose,
35292 Que Ire est[38] monlt male chose,
35293 Si grant que quant home Ire porte,
35294 Tout cœur et corps lui desconforte.
35295 Dieu et tous ses sains en maugrie,
35296 Et pluseurs fois il le renye,
35297 Et despite tous les biens fais
35298 Que Dieu lui a en son temps fais.
35299 Yre lui met hors toute paix
35300 De tous esbas, de tous bons fais,
35301 De tous repos, et nuit et jour.
35302 Ja nulle heure n’est a sejour,
35303 Tout bon vivre et tout bon mengier.
35304 Qui Ire a, n’est point sans dangier.
35305 Souvent tel malaise en recoeuvre
35306 Que en la fin tout mort se troeuve.
35307 Quant Yreux de son chaté pert,
35308 Lors ung grant malaize l’aert.
35309 Ou pert aucun de ses amis,
35310 Tantost en est en Ire mis,
35311 Pluseurs fois trop s’en desconforte,
35312 Com cil qui le pïeur enporte,
35313 Et se met en inpacïence.
35314 Mal fait acquerir tel scïence.
35315 De la vient rancune et haïne
35316 Qui tient par le doit <a> ataïne.
35317 Meslee a ataïne tient,
35318 Et de la homicide vient.
35319 Aprez vient la guerre mortelle.
35320 L’office d’Ire si est telle.
35321 De ce pechié Accide vient
35322 Qui au cœur de l’homme se tient.
[90b]
35323 Accide[39] est anuy de vivre
35324 Qui fait Desesperance suivre,
35325 C’est ung des plus malvais pechiez
35326 Dont ly homs puist estre entechiez.
35327 Accide de tel nature est
35328 Que ame et corpz a tourment mest.
35329 N’encores ne me tairay mie
35330 Que dire ne voeulle sa vie,
35331 Car pour verité je voeul dire
35332 Qu’Accide vient du pechié d’Ire,
35333 De ses branches je voeul compter,
35334 Se tu me voeulx bien escouter.
35335 De Accide Paresce vient
35336 Qui de tous biens faire le tient
35337 Et de Paresse on devient lens.
35338 On n’est a nullui bien voeullans.
35339 Et de Lenteté vient Tenresche
35340 Qui cœur et corps a homme blesce.
35341 Tenreté dist : « Or te repose.
35342 Ne metz en œuvre nulle chose.
35343 Ta complexïon nel voeult mie.
35344 Tu n’ez pas nourry de tel vye.
35345 Tu n’as mestier de penitance.
35346 Aprins tu ne l’as pas d’enffance. »
35347 Adonc chiet en oiseuseté
35348 Et aprez chiet en grant vieulté.
35349 Lors viennent desirs, vilenies,
35350 Gloutonnies et ribaudies,
35351 Et de pluseurs pareux soulas,
35352 Dont il se met d’enfer ez lacz.
35353 Cil penser fait la noncïon
35354 De toute dissolucïon.
35355 De ce viennent temptacïons
35356 Et les foles polucïons.
35357 Par ce chiet on, et n’en doubtez,
35358 En grans pussilanimitez
35359 Qui ont paour de bien ouvrer,
[90c]
35360 Ne n’osent nul bien recouvrer.
35361 N’osent riens faire qui leur vaille,
35362 Paour ont que Dieu ne leur faille.
35363 Si comme sont ly songëour
35364 Qui de leur songe ont grant paour,
35365 Et cil qui le bon sentier mue,
35366 Quant voit la limace cornue.
35367 Le deable qui en ses lïens
35368 Tient trestous les accidïens,
35369 Leur dit : « Josnes es, si vivras,
35370 Et assez avoir concquerras,
35371 Monlt grant temps reposer te poeulx.
35372 Assez gaigneras, se tu voeulx. »
35373 Pour ce deviennent indigens,
35374 Et avecques ce negligens,
35375 Et parvit monlt deslëalment,
35376 Et aprés tout cel errement,
35377 Chiet il en trestoute oublïance
35378 Et puis aprés en negligence.
35379 Par ces deux cy sont si troubli
35380 Qu’ilz metent trestout en oubli.
35381 Aprez tout ce Lacheté vient
35382 Qui toute a Accide tient[40].
35383 Aprés vient Innobedïence,
35384 Quant on oublie penitance,
35385 Faire ne souffrir ne lui voeult
35386 Car de lonc temps le cœur lui doeult
35387 Et s’excuse faire nel poeult.
35388 Aussi son cœur mettre n’y voeult.
35389 Car quant l’homme est inpatïent,
35390 Tantost est innobedïent.
35391 Aprez ce, trestout lui ennuye.
35392 Lors convient il que on le fuie.
35393 Lors l’Ennemy qui a lui tenche,
35394 Si le maine a Desesperance.
35395 D’illec se met en son servage.
35396 Or voy se telle gent sont sage,
[90d]
35397 Car, toute la verité dire,
35398 Trop male chose est d’estre en Ire.
35399 C’est ung des sept pechiés mortelz.
35400 Pour Dieu, or ne soiez plus telz !
35401 Preng Esperance et Repentance.
35402 Lors seras hors de male enffance.
35403 Se ces deux tu voeulx enchargier,
35404 Tu es hors de tout mal dangier.
REGNART
35405 ― Sire, or vous plaise moy oÿr.
35406 Bien me doy en Dieu esjoÿr,
35407 Et par raison y suis tenu,
35408 Quant je suis jusquez la venu
35409 Que de mon conseil vieng a chief,
35410 Dont j’ay eu monlt de grans meschief.
35411 A meschief bien estre devoie,
35412 Car qui bien voit la droite voye,
35413 Monlt est ly homs mats et confus,
35414 Quant conscïence lui coeurt sus,
35415 Et il n’a de quoy amender.
35416 Or vous voeul pour Dieu demander,
35417 Quant vous me chargiés Repentance
35418 Et[41] avec ce aussi Esperance,
35419 Des deux me voeulliez enorter,
35420 Car je suis fesble du porter,
35421 Et si n’ay pas telz fais apris.
35422 Se me chargissiez ung pourpris,
35423 Quatre chateaux et quatre villes,
35424 Par faulx semblant, barat ou guille.
35425 Trestous les chappons je presisse
35426 Et par devers moy les mesisse.
35427 Cocq ne geline n’y laissase.
35428 Aulx bons compagnons les donnasse.
35429 Je les presisse voulentiers,
35430 Car je sçay bien tous les sentiers.
35431 Ce fu commandement de pris,
35432 Car cela ay je bien apris.
[1] Raynaud corrige en qu’il et édite peüst
[2] Raynaud corrige en maux.
[3] Raynaud corrige en el.
[4] Ms. Le quart.
[5] Raynaud corrige en bien sceüt et édite entierement.
[6] Raynaud ne corrige pas
[7] Raynaud corrige en Enseigne ceste.
[8] Raynaud corrigeen iceste.
[9] Raynaud corrige en Et sans.
[10] Ms. veance.
[11] Ms. moins.
[12] Raynaud ne corrige pas.
[13] Raynaud corrige en praierie.
[14] Raynaud corrige en qu’entour..
[15] Raynaud corrige enpurté.
[16] Raynaud corrige een dans.
[17] Raynaud corrige en Et l’un.
[18] Raynaud corrige en y est.
[19] Raynaud corrige en ly.
[20] Raynaud corrige en il lui plaist.
[21] Raynaud supplée de.
[22] Raynaud corrige en Et toudis.
[23] Raynaud corrige en de par.
[24] Ps., X, 7.
[25] Raynaud corrige en Envie, ce qui rend le vers hypermétrique.
[26] Raynaud corrige en Envie, ce qui rend le vers hypermétrique.
[27] Raynaud corrige en qu’elle.
[28] Raynaud corrige en Ce est.
[29] Raynaud corrige en estelles.
[30] Ms. Mais.
[31] Raynaud corrige en estelles.
[32] Ms. belles et cleres.
[33] Raynaud édite moïste.
[34] Raynaud corrige en l’on.
[35] Raynaud corrige en Par Nature ainsi se demainent.
[36] Raynaud corrige en Car chascune.
[37] Raynaud corrige en que on.
[38] Raynaud corrige en Qu’Ire est une.
[39] Raynaud corrige en Accides.
[40] Raynaud corrige en se tient.
[41] Raynaud supprime ce mot.
