Dit 29 : Supplie Eustaces humblement (MCCCCXXV)
Supplicacion par maniere de balade que ledit Eustace fait au roy[1]
1 Supplie Eustaces humblement
2 Que comme derrenierement
3 Vous aiéz fait une ordenance
4 Que baillis facent residance
5 Sanz partir de leurs bailliaiges 432a
6 Sur paine d’estre cas de gaiges
7 Pour tant de jours qu’absens seront,
8 Que les receveurs nonceront
9 Et procureurs aux gens des comptes.
10 Ce qu’ou royaume on ne vit onques
11 Que seneschaulx ne vos baillifs
12 Fussent comme sers asservis,
13 Esclaves tenuz de leurs corps
14 Et qu’ilz n’osassent aler hors
15 Ou demourer pour juste essongne
16 De leurs amis, pour leur besongne
17 Faire aussi, quant mestier leur est,
18 Pour leurs gaiges mettre en arrest
19 Pour telz as, et il soit ainsis
20 Qu’ou bailliaige de Senslis
21 Qu’occupe le dit suppliant,
22 N’ait malfaicteurs ne maise gent,
23 Mais soit cais le pais, paisible
24 Sanz faire chose non loysible,
25 Les droits du peuple maintenus
26 Et les vostres bien soustenus,
27 Et y ait vostre dit bailli
28 Selon vostre ordonnance et cri
29 Demouré, tenu ses assises
30 Et ses jours, et tresgrosses mises
31 Et despens sur.i. franc par jour
32 Sanz seaulx avoir, dons ne retour,
33 A cinq varléz et.vi. chevaulx,
34 En haine, en âine, en travaulx,
35 Pour justice er raison garder,
36 Ou vous devéz bien regarder,
37 Car deux hostelz lui fault tenir
38 Tousjours pour aler et venir,
39 L’un [a] Senliz, l’autre a Compiengne, 432b
40 Et n’est an qu’il ne lui couviengne
41 .iiic. frans mettre, oultre ses gaiges
42 Empeschiéz, dont c’est ses dommaiges,
43 Pour avoir esté a Paris
44 Pour l’utilité du pais
45 Et mandement especial
46 De vo procureur general
47 Par certain temps et pour le fait,
48 Dont empeschement lui est fait
49 Des termes de la Chandeleur,
50 Ascencion Nostre Seigneur
51 Derreniers passéz et suians.
52 Et s’a tousjours bon[s] lieuxtenans
53 Au pais ycellui Eustace,
54 Qu’il vous plaise de vostre grace
55 Lui ottroier que sanz contraire
56 Puist aler hors ou a[2] a faire
57 Pour son fait neccessairement,
58 Puis qu’il avra bon lieutenent,
59 Sanz le casser pour celle cause.
60 Car toute neccessité cause
61 Non avoir loys, non fraindre a dit.
62 Et attendu ce qu’il est dit,
63 Et que franchise est noble membre,
64 Mandéz aux gens de vostre chambre
65 Des comptes et voz tresoriers,
66 Et chascun d’eux, s’il est mestiers,
67 Et au receveur de Senlis
68 Que des deux termes dessus dis,
69 Et aussis d’ores en avant
70 Les gaiges dudit suppliant
71 Paient pour faire sa despense,
72 [Et] non obstant vostre ordonnance,
73 Que vous moderéz en ce cas 432c
74 Sanz estre des ses gaiges cas,
75 Ou, pour ce qu’il devient trop vieulx,
76 Vous plaise de pourevoir mieulx
77 De bonne personne et de saige
78 Pour gouverner le bailliage
79 Ou il n’est pas amé de tous.
80 Et il priera Dieu pour vous,
81 Ainsis que le faire souloit,
82 Et que difficulté n’en soit.
[1] Raynaud supprime par maniere de balade
[2] Ms. il a
