Virelay 21 : Comment puet amans amer (DCCII)

Autre Virelay

            Comment puet amans amer
            Dame d’amour sanz amer
                        Qui l’ayme fort
            Et que fait tout son effort
5                      De li tuer,

            Quant il la veult honourer,
            Craindre, obeir et celer,
                        Et sans ressort,
            Cuer et corps habandonner
10        Pour son plesir ordonner ?
                        Elle a grant tort

            Qui ne veult a li parler,
            Maiz par son desdain monstrer
                        Le met a mort.
15        Et ly, las ! laime plus fort
                        Et sans cesser.
            Comment [puet amans amer ?]

            Il s’en doit bien las clamer,
            Car en ce tourment de mer
20                    Est a dur port,
            Ou il sent Orgueil venter
            Et son vaissel tourmenter
                        Sanz nul deport.

            Ce fait le grant desirer
25        Qu’il a d’amour savourer
                        Qui pour lui dort.
            Espoir le fait endurer,
            Qui dit que maulx temps durer
                        Ne puet au fort         188d
30        Longuement. Se reconfort
            Ly fait chanter.
            Comment [puet amans amer ?]