Rondeau 12 : Puis qu’Amour ay servi trestout mon temps (DLXX)

Rondeau

                        Puis qu’Amour ay servi trestout mon temps,
                        Et employé cuer et corps, quanque[1] j’ay,
                        S’Amour me faut, jamaiz jour n’ameray.
                        Joyes, deduiz, festes, esbatement,
5                      Ay[2] fait pour lé, mais plus ne les feray,
                        Puis [qu’Amour ay servi trestout mon temps
                        Et employé cuer et corps, quanque j’ay.]
                        Croire ne puis qu’Amour soit si coulans,
                        Maiz a ce cop de certain le saray.
10                    Et s’ainsis est, a tous amans diray :
                        Puis [qu’Amour ay servi trestout mon temps
                        Et employé cuer et corps, quanque j’ay,
                        S’Amour me faut, jamais jour m’ameray.]

[1] Ms. et quanque

[2] Ms. Ait