Balade 128 : Adieu, Printemps, adieu jeune saison (CXXVIII)

Autre Balade

                        Adieu, Printemps, adieu jeune saison
                        Que tous deduiz sont deuz a creature.
                        Adieu Amours, adieu noble maison
                        Pleine jadis de flours et de verdure.
5                      Adieu esté, autompne qui pou dure :
                        Yvers me vient, c’est a dire viellesce,
                        Pour ce, tristes, te di adieu, Jeunesce.

                        De printemps puis faire comparaison
                        Jusqu’a seize[1] ans que nostre enfance endure,
10                    Que les biens sont a petit d’achoison
                        Pour leur tendreur mis en desconfiture.
                        Si sommes nous : par un pou de froidure
                        En cel aage pou de meschief nous blesse,
                        Pour ce, tristes, te di adieu, Jeunesce.

15                    Estéz nourrist et croist selon raison
                        Vignes et blez et tous biens de nature.
                        Lors croist aussi et s’enforce li hom :
                        Autres .xvi. ans, l’a Jeunesse en sa cure.
                        Les biens requeult autompne si figure[2]                                              29c
20                    Par li .xvi. ans. autant yvers m’apresse,
                        Pour ce, tristes, te di adieu, Jeunesce.

[1] Ms. six (corrigé d’après la 3^e strophe)

[2] Ms. fugure